Atanoh Mara Students Organization, Sub-Headquarters, Shillong zy Executive Committee Pastor Quarter liata hnei ei ta, Shillong liata Information Centre he kheihta ma eima pahy thei aw, tahpa ama reih pahmaoh.
Shillong he Marasawzy ta cha achuna chata eima pangai chaipa cha ta, atahma he achuhaipa 500-600 likawh yna a cha. He vana heta chyhsa hluhpi ta rairuna a vaw tyh tyh ei ta, chahrasala Information Centre eima hnei leipa vata cha hawhta rairuna a hneipazy bao awpa rai naopa cha thei tyh vei. He dei leipa ta khihpi nata khih lakaopa a chapa vata thohna su vaw pangaipa nata vaw papiapazy y nga thlahha ei ta, chanota Mara House tlyma, information centre tlyma chhao eima hnei leipa vata chyhsa hluhpi ta rairuna ama vaw tyh tyh.
He atanoh ta ama tyupahmaohna chhapa chhao he, rei hapa rairunazy pathlapa a cha thei nawpa ta MSO, Headquarters hnohta tlokheipa cha ta, MSO Hqrs heta abyuhna hawhta hmah lakhei awpa ta bie a vaw pathlupa vata nata alaichadai via awpa tahpa a chapa vata atanoh pakhy bah tawhta he he reipahmaohpa a cha.
Atanoh MSO Sub-Hqrs, Shillong atyuhpakhypa heta O.B. ta a thatih a vaw pasia via awpa nata hmo byuhpazy alaichadai via ta, hmah la awpa ta a vaw pathlu.
Atanoh MSO Shillong ta ama vaw reipa he eima hnohla liata MADC nopaw-penawh hnohta tlokheipa cha ha hra ta, MADC ta chhao bao awpa ta nata thla kha ta Rs. 3000/- bao thei awpa hawhta vaw reih ei ta, anodeikua cha he phusa heta otlo ma chhao apahnie lei awpa vata MSO ta hma a la pazi khao leipa a cha.
He Information Centre pahy nawpa chochah he ECM KNP Hqrs, Siaha chhao ta Executive Committee liata ama reih ha hrapa hawhta pahnopa cha ta, anodeikuala kheihta hmahla pazi awpa ama chhuah tahpa deikua pahno khao ma pi.
Atanoh MSO Sub-Hqrs, Shillong Meeting heta ama President achuna patlo hapa vata Siaha la akhy hapa vyuhpa ta Bye Election hnei ei ta, St. Robinson K. Mara atlyhpa cha ta, ano Post a ruapa vata St. VT Ismael cha V/President chata atlyhpa a cha hra.
Shillong he Marasawzy ta cha achuna chata eima pangai chaipa cha ta, atahma he achuhaipa 500-600 likawh yna a cha. He vana heta chyhsa hluhpi ta rairuna a vaw tyh tyh ei ta, chahrasala Information Centre eima hnei leipa vata cha hawhta rairuna a hneipazy bao awpa rai naopa cha thei tyh vei. He dei leipa ta khihpi nata khih lakaopa a chapa vata thohna su vaw pangaipa nata vaw papiapazy y nga thlahha ei ta, chanota Mara House tlyma, information centre tlyma chhao eima hnei leipa vata chyhsa hluhpi ta rairuna ama vaw tyh tyh.
He atanoh ta ama tyupahmaohna chhapa chhao he, rei hapa rairunazy pathlapa a cha thei nawpa ta MSO, Headquarters hnohta tlokheipa cha ta, MSO Hqrs heta abyuhna hawhta hmah lakhei awpa ta bie a vaw pathlupa vata nata alaichadai via awpa tahpa a chapa vata atanoh pakhy bah tawhta he he reipahmaohpa a cha.
Atanoh MSO Sub-Hqrs, Shillong atyuhpakhypa heta O.B. ta a thatih a vaw pasia via awpa nata hmo byuhpazy alaichadai via ta, hmah la awpa ta a vaw pathlu.
Atanoh MSO Shillong ta ama vaw reipa he eima hnohla liata MADC nopaw-penawh hnohta tlokheipa cha ha hra ta, MADC ta chhao bao awpa ta nata thla kha ta Rs. 3000/- bao thei awpa hawhta vaw reih ei ta, anodeikua cha he phusa heta otlo ma chhao apahnie lei awpa vata MSO ta hma a la pazi khao leipa a cha.
He Information Centre pahy nawpa chochah he ECM KNP Hqrs, Siaha chhao ta Executive Committee liata ama reih ha hrapa hawhta pahnopa cha ta, anodeikuala kheihta hmahla pazi awpa ama chhuah tahpa deikua pahno khao ma pi.
Atanoh MSO Sub-Hqrs, Shillong Meeting heta ama President achuna patlo hapa vata Siaha la akhy hapa vyuhpa ta Bye Election hnei ei ta, St. Robinson K. Mara atlyhpa cha ta, ano Post a ruapa vata St. VT Ismael cha V/President chata atlyhpa a cha hra.
