Khopai liata Kothiehpa Daihti Ahmana

Daihti reipi a vaw cha ha tarawpa ta ei pina khih, Khopai liata Kothiehpa Alyna daihti eima hmana he so cheingei awpa a phapa ta ei pahnopa vata hawh kaw hra sala ei vaw soh pakhua heih.

Front (L-R): Mc. HC Laikho, Mc. B. Makhu. Back(L-R): Mc S. Dakhu, Mc. Pasa T.Azyu

Khopai Local Church heta Krismas nata Kothiehpa daihti he a hmah pha kaw ei ta, apahchaipa ta Hawtipazy ta alyna thata ama to. Khopai tawhta khihro la apaihpa ta y hapa thokha - Mc. HC Chido, Tipa Electric Vaih; Mc. S. Chozah, College Vaiha Siaha; Mc. Pasa T.Azyu, Siaha Vaihpi; Km. HC Rema, N.Colony zy ta ama za hmakhei. Awnanopazy veihseih kaw ei ta, ama daihti soh kawpazy zy khi hro la tawhta a zahmakheipazy pie khai ei ta, Maraland Post Editor, Mc. A.Zawngia chhao Kothiehpanoh, nohchho ta apakyhna liata Mc. B. Siakha ta daihti a pie hra.

Machazy ta pakhupaneih ei ta khizawzy chata Byhna ama aw

Thokha cha atyuna chota thlah ama chha

 Koparohpa pathlie za ta, zareipakhyna ta daihti hma tuapa cha ta, za sawh 10:30 tawhta KTP zy ta Variety Program nata Skit show ta daihti hmah ei ta, dawh 11:45 liata achhynao-o ngaipa ta, kothiehpa dyna hneipa a cha. He Mid-Night Service liana he Mc. B.Makhu ta daihti chhihtha ta,dawh 12 a vaw paro nata Abeipa lata alynabiereina nata ahlapathiehna hneipa a cha. Chanota, khichhoh liata macha ko 75 chola a ypazy cha KTP zy ta dy ei ta, aliah liata patyusapa ta Awnanopazy ta amo chata thlahchha ei ta, he machazy heta khihsaw zy chata byhna ama awpa hra. Thokhazy cha pahkhupaneihpa ta thlahchha ei ta, thokha deikua cha amo cha a rairupa vata ama tyuna su tawhta thlah ama chha hra.

Achhyna-o chhoh

No nah atyuna

Awnanopa Chhihthatuhpazy

Mc. Pasa T.Azyu, Kothiehpa noh My Bietana a reih

KTP zy atyuna

No & Pawzy atyuna

Zawpi, No-nah atyuna

Mc. A.Zawngia

Khopai laihsazy