Atanoh NECTAR Graduation Day Hmapa cha. ECM Missionary Papangawh ama Hlao hra

Atanoh dawh 1:30 PM khata Kuki Worship Service Achhyna-o, Law-U-Sib, Shillong liata North East Centre for Cross Cultural Training and Research (NECTAR) liata 9th Batch atako chata Missionary Training a hneipazy Graduation Day hmapa cha ta. Achupa 23 hnohta Certificate hlapa ama cha. He Training-na liana heta atako chata ECM tawhta mo papangawh (5) tuapa cha ei ta. Atanoh Shillong Mara Church liata nopawpazy nata KNP zy ta he Graduation Day he eima Missionary zy ama hmakhei hra.

All Missionaries Graduates

ECM tawhta Missionary Training liata tuapazy he atahma Mission Field liata hria ngahaipazy cha viaro ei ta. Marasaw papalih (4) nata chi hropa (Viahpa), Evan. Aditya KC Sekhar, Home Mission liata Evangelist rai a hria ngahaipazy ama cha.

ECM Missionaries, B. Melyjee, VT Ngona, FC Ngokhe & M. Lalnunhlima

ECM tawhta Training tuapa hry liata Evan. Lalnunhlima Mathipi nata Evan. FC Ngokhe zy he Tiwa Mission Field liata Missionary ta ko hluhpi vaw hria hapa cha ei ta. Atahma deikua he su tawhta ama pua tita cha Field thiehpa ama pahypa Arunachal Mission Field liata apazao awpa ama cha.

Mc A.Zawngia with ECM Missionaries

Chaleipa ta, Evan. VT Ngona nata Evan. B. Melyjee zy cha ei ta. Amo pano he Laihsa ama cha. Amo pano he atako ta ECM Missionary alathiehpazy hry liatahpa cha ei ta. Amo pano chhao he Arunachal Mission Field liata Abeipa chata chakaona raihria awpa ama cha hra.

Rev. Pheitha and Mc Ismela with ECM Missionaries

 He Graduation Day Function liana heta Ls. Damari P. Hlychho cha Missionary Graduates zy pathliena hlasa awpa ta raopa cha ta. "Carry your Candle" tahpa hla thai kawpa ta sa ta, zawpi paloh a pahnie kaw.

Miss Damari P. Hlychho sings "Carry your Candle"

 Atahma he ECM ta Missionary atuapa, Mararah tawhta Marasaw tuapazy cha ama zydua ta 36 cha ei ta. Partnership ta eima tuapa nata Native Worker zy chhao ta cha 200 hlei ama cha.


Marasaw hry tawhta Mission Chakaona he eima laihsanahzy ta paso kaw ei ta. Atahma chhao Tripura liata Evan. Nongia nata Evan. B. Zihlua (Nahlua) y ei ta. Missing Field liata chhao Evan. C. Parte chakaona rai a hria ngahai hra.

SMC in Missionaries Graduation Day

A viapahchaipa ta he eima awnanopa a sie awpa tawhta Missionary nahzy chana heta thlah kha chhakhei chyu ei suh vy.