ECM Awnanopa nata Dr. Hamlet chochah liata Sentence Order Pending-pa a cha heih

Eima vaw palasa hapa hawhta ECM Headquarters nata Dr. Hamlet Hlychho likawh cha biechhana tlo daihmapa cha ta, pahno theipa liata ECM Headquarters, Siaha liata nopawzy cha thai cha hapa ta pahno pasia hapa cha ta, Dr. Hamlet Hlychho cha thailei pachasa hapa a cha. Anodeikuala, thaileipachasapa (Convict) a cha ha tarawpa ta, hrienazie awpa ‘Sentence Order’ he papua mah leipa cha ta, tarinoh 22^nd December 2011 liata papua awpa ama cha tarawpa ta Starff thokhazy Krismas chhuti ta ama vaw sie hma hapa vata papua hma khao leipa ei ta, chavata tarinoh 12^th January 2012 liata tao thei awpa pasiepa (pending) a cha.

He buana liata a hlao hrapa Puhpa K. Beisa nata  Puhpa Pa-u deikua cha thaipachasapa cha ei ta, biedaona ta a reina dah liata amo heta Dr. Hamlet Hlychho ta chhaichhi ta a hmapa tla cha ei ta. Amo he cha peihriana liata a hlao leipa (innocent) hawhta pachapa ama cha, a tah.

Anodeikuala, he Case a sie ngahaipa liana heta “ECM Headquarters nata Dr. Hamlet” tahpa ta a naosianazie ta tla reih tyh pi ta, palasapa liata comment liata hiahhrina hawhta ECM Headquarters vs Dr. Hamlet cha leipa ta, sawhkha (Government) vs Dr. Hamlet he tlao a cha via. ECM Hqrs liata nopawzy heta FIR pangia ei ta, chavata ECM Hqrs vyuhpa ta Sawkha ta tlao a duah ta, ECM Hqrs cha bie hiahhri awpa ta tlao aw tyhpa cha.

He he athaona liata ECM Nopawzy ta FIR pangia ei ta, chakhai tawhta Puhpa T. Chatlua nata ECM Local Church, Bethel chhao Dr. Hamlet Hlychho hnohta FIR pangia heih hra ei ta, cha liatazy chhao Dr. Hamlet Hlychho he thai leipachasa khai hapa a cha, tahpa ta biedaopa a cha hra.

He nota Dr. Hamlet Hlychho uhtapa Rev. Khaicho cha Mizoram Presbyterian Church liata a ngia ta, atliata liana khata Ramhlut North Pastor Bia liata Pastor cha awpa ta lapangiapa a cha haw hra.


Related Source: 

ECM ta Dr. Hamlet Court akhona liata ECM ta thai cha haw