Siaha khihpi a raotuhpa a phuah haw. Puhpa Vanlaltlina a cha

Siaha khihpi mei ta a raotuhpa cha patu hapa cha ta, ano raopa tlai a cha, tahpa ta Puhpa Vanlaltlina ta a phuah haw. Eima vaw palasa hapa hawhta he o paka awpa ta pangiasapa cha  MTP zy ta ama patu tawhta a phuah haw. (he he Maraland.net liata a video chhao mo thei awpa a y). Ano he Saikhamakawn, Aizawl tawhta akhypa cha ta, otlo ma a pie thei leipa vata o hneituhpazy ta vaw papua tyh ei ta, cha hawhta ama papua tyhpa cha ta, o he ei rao thlahha aw na, tahpa ta vaw vyu tyh ta, zahnia za cha a rao hra tlai, tahpa ta a reih. A raona a reina dah liata deikua sathaw mei-o (mawmbati) pakhaih ta, na khodah hawhta vaw y teh, tahpa ta o a puasaipa hawhta a reih.

Siaha Bajar opakatuhpa:Vanlaltlina

Siaha Bajar opakatuhpa:Vanlaltlina

He Siaha okapa he Maraland.net ta a report hnohchaipa liata cha okapa zydua 32, ahro lata apakia lei nawpa ta ama phiepa 10 a cha. Chyhsa hrona pahleipa deikua y hraoh leipa ei ta, mei pachhaina liata hmahphaohpa deikua pathoh tlai ama y hra.

He vaduana he a raroh y hmeiseih ta, vaduana atyhpa zydua hnohta Maraland Post ta eima taokhei hmeiseih. Nopi a vaw lie awpa cha ta, ahyrai ta avaih chyu ei sih la, my tlamawpa nata pahno leipa ta meikapa he kha a y thei tahpa athei thlahhana cho ta.

Source : Maraland.net