Mara Reih Cha Rozie by A.Zakia

Mara reih cha eima ro nota eima pahno awpa abyuhpa cha hezy he a cha: Hmo ataotuhpa  eima ro nota taotuhpa hmia liata ‘a’  sopa a cha tyh. Taotuhpa hmia liata ‘a’ cha ano dei ta soh leipa ta, ataotuhpa nahta pazao awpa a cha.

He hawhta:

Ti apachatuhpa

Lao araihtuhpa

Sa araihtuhpa

Krismas achhuahtuhpa

Thopi araihtuhpa

Viahchha araihtuhpa

Hawtizy apalysatuhpa

Aparupa ahmotuhpa

Hmosaipa apietuhpa

Moleipa atutuhpa

Chyhsa aleihtuhpa

Mara reih liana heta ‘a’ he hluh ngasa ta. Chavata ‘a’ tlyma ‘a’ he abyuh leipa liata cha soh leipa cha sala a pha via.

He hawhta:

Ti raihtuhpa

Ti pachatuhpa

Lao raihtuhpa

Sa raihtuhpa

Thopi raihtuhpa

Viahchha raihtuhpa

Hawtizy palysatuhpa

Aparupa hmotuhpa

Hmosaipa pietuhpa

Moleipa atutuhpa

Chyhsa leihtuhpa

                Taopa (verb) thokha cha hmo moh (noun) lata eima palie nota mohchho hmia liata ‘a’ sopa a cha tyh. Mohchho hmia liata ‘a’ cha ano deita ta soh leipa ta, mohchho nahta  pazao awpa a cha.

He hawhta:

Aluahna,   aluahna,   angiahthaina,  ahneina, atheithlahna, apalysana, aryhna, adyhna,               adyuhna,  ahaona,    ahryuhna,      atuna,     akhohna,      apalaina,   areisina,  alyna,                    apanawhna, areithaina, ahmona,  apahnona,  achhyna, adona, etc.

                He a cho liata hmo moh hmohchhozy khi taopa (verb) ta (hmapa) a cha khiahtala a hmia liata ‘a’ a baipa he byuh khao vei.

A hmazie pamosana:

Taopa ei chhuah

A vaw luah vei

Ei ngiahthai haw

Ama hnei haw

Eima thei thlah haw

Eina palysa kaw

Ama ryh haw

Ama dyuh nga kaw

Ama tu nga kaw

Ama hryuh nga kaw

Na khoh kaw dia !

Ama palai ngasa

Nama reisi kaw

Ei ly ngasa

Ama panawh kaw

 Ama reithai kaw

Ama hmo haw

Eima pahno haw

Khazohpa ama chhy eima do vei

(Vol-II: MLC ISSUE NO. XXV SIA HMYPI -2012 PADONA)

3. “Ahawna” tahpa liata a do leipazy padona:

Rozie a do leipa:                               =             Rozie a dopa:

Hryuh pata                                          =             Hryuhpa ta

Release-pa a cha awh                    =             Papuapa a cha aw.

Apuatita mo tota                              =             A pua tita mo to ta

Paso kawpata                                    =             Paso kawpa ta

Chalei awhpata                                 =             Chalei awpa ta

A hawpa nama cha                          =             A hawpa nama cha

He chabu liata                                    =             He chabu liata

History thatih                                     =             History thatihzy

Hnei beileipazy                                 =             Hnei beih leipazy

[ahlaopa acha hra                            =             Pahlaopa a cha hra

Nama vaw rochyu aw                     =             Nama vaw roh chyu aw.

(Note: He he a chhana cha mah leipa ta, daihti ryhpaohpa liata eima vaw pazao heih aw. He article he Mara Literature Committee Thatihbu, Vol-II MLC Monthly Issue  No. XXVI, Pachawh 2012, phia 10 tawhta lapachhuahpa a cha. Tawhla, ‘a’ hmana sano – luhkhupa nata luhkhuleipa y taraw ta, cha chhao vaw paryh hma khao hra va na. Nama pachathaina chhao ei cha haw ei. By Editor)