SMC liata "Macha" chana daihti hnohchaipa a vaw cha haw by A.Zawngia

SMCApakhyna su (KJP English Achhyna-o

Atamy Shillong Mara Church Pahanoh pakhyna daihti soh kawpa cha Awnanopa nopawzy ta sai na vaw hei ei ta, keima ei na pie ei. He atamy apakhyna he keima chata cha Shillong Mara Church liata "Macha" ei chana daihti hnohchaipa a vaw cha haw. Chavata daihti chhao a eihhrah kawpa ta na khokhei ei ta, ama hnohta alyna hmeiseih na ta, ei paloh chhao a vaw lie ngasa.

Mc. A.Zawngia, Speaker

My dawh 9:00 liata Hostel puasai na ta, vahneichhih kawpa ta ei viasa pakha Bike ta Shillong la azu awpa vaw y chho ta, ano hnohta zu na ta, pachapa hlata ei tlo patoh via. Achhyna-o yna vaih Police Bajar chhao dawh 9:30 na ta, apatoh kaw chypa vata varo tlai ei paha. Dawh 10:00 a vaw paro tawhta Achhyna ola pangai na ta, ei viasa nata nawhtazy a hmo ei na ta, ei paloh ei na paliesa kaw ei. Biatuhpa Pastor Rev. L.Lychhua chhao thlai za tlo hra ta, awnano liata ei chakaolahpazy nata atlahnabie zy reih pi ta, eima va ngaita kaw. Keima chhao exam vata daihti reipi apakhy theileipa na ta. Cha hleikho ta, ei pheipahleina vata hata ei 2 tlai a vaw pakhy leipa na ta, he zydua vata nata thlai a sie haba awpa ei chapa vata eima vana apasa ngaita kaw. Eima palohzy chhao alie ngasa.

Apakhypa Zawpi

Dawh 10:35 vaw paro ta, Achhyna-o ochhoh la aza ngia pi ta, Maisah la kaw pangai na ta, chanota ei paloh liata Abeipa bie a vaw lapa cha, Biechhotuhpa 3-na, "Ato chata daihti raopa" tahpa a vaw ngia ta, Biehrai vaw pakai na ta, reih na ta, "Pi daihti y ta, thi daihti a y... Ei vaw ngiana daihti y ta, ei puana daihti a vaw cha haw..." ei paloh a vaw lie ngasa. Shillong ei puasai tita cha "Macha" cha khao leipa aw na ta,... he he keima chata cha asoh hmeiseih. Zawpi hnohta chhao he zydua he reih na ta. Alynabie thata reih na ta, reih khai thai rima awpa cha vei. Ko 2008, Oct tawhta ei vaw pakhy tyhna, ko 2010 tawhta chhochhi cha "Chakaotuhpa" ta lapa vaw cha na ta. Ko 2011 January tawhta chhochhi cha nopaw chaipazy duasu "Macha" liata na paduasa hra ei ta, ei tlohlei kawna chota maohphaona hluhpi ei ngiatlah liata ama pahnieh hrapa a vaw cha. Ei theina zydua papua hrapa ta Abeipa chakaona rai hria hra na ta, atano deikua cha 'chakaona' cha keima chata ei pangoh haw. Thyutliapa chhihthatuhpazy ku liata atahma cha chakaona pazao awpa ta maohphaona zydua hlapa a vaw cha ha ba. He tawhta cha vaw tlo heih haw sala, khichhaipa dei ei cha ba awpa a cha. Ei paloh liata "Macha Pension" ta ama pathliepazy vaw palyusapa na ta.

(L-R: Mc.S.Thahlo, Rev. L.Lychhua, Mc. A.Zawngia, Pp. Kaocho, Mc. Hmoko Hlychho)

Daihtina a vaw thao pi ta, Orchestra zy za moh na ta, ei paloh alie kaw heih. Abeipa ngiachhiena vata Talent pha kawpa hnei na ta. Guitar, Bass Guitar, Piano, Keyboard Drum, etc zy Abeipa palyupalihna hla patla theina rakha cha to khai thei na ta, chyhsa ama daih leina su lia maih ta ei pabie tyhpa a cha. He hawhta a chapa vata Achhyna-o he Minute 15 hlata tlo na ta, Musical Instrument zydua kei ta, ei paryhkhei khai tyhpa a cha. Atahma cha mohropazy ku liata pahliehpa a cha haw hra.

SMC 2011-2012 Chhihthatuhpazy

Atamy apakhyna liata heta vahneichhih kawpa ta eima rah la tawhta azupa, Macha Hmoko Hlychho nata a viasano zy chhao maniah vaw pakhy lah thei hra ei ta, Macha K.Davis chhao achuna su (Kolkata) tawhta vaw tlo hra ta, bietana reina daihtizy pie hra ei ta, Abeipa byhna thata eima dao.

Atlahpa ta ei y khia cha, Dt. 17.4.2012 khita Exam patlo aw na ta, Dt. 18.4.2012 liata Veledictory Service hnei aw pi ta. Dt. 19.4.2012 khita Shillong puasai awpa ei cha haw.

 

Keima chata cha Shillong liata ei ypa he vahnei achhih hmeiseih ta, my thei aw va na. Sapa nata thlahpa liata ama deichhyna nata khokheina arohnah ei tah hmeiseih. Aviapahchaipa ta Rev. Dr. Laiu Fachhai nata a chhohkhazy hnohta alynabie thata rei awpa ei hnei. Ama zydua hnohta Abeipa ta kha a ypa awpa nata ano chakaona liata thatlona a pie awpa he, ei thlahchhana a cha.

Mc. A.Zawngia & Rev. Dr. Laiu Fachhai