Mararah chata Thlahchhana

                                                                                                                 By A.Zawngia

                 Atanoh he Marasawzy, Mararah liata a ypazy cha eima rah chata thlahchhana noh hmah awpa cha ei ta. A pua theipa maih cha Siaha Vaihpi Tlyliahby (Dist. Playground) liata puapakhypa ta thlahchhana hnei awpa a cha. He hleikho ta Khizaw su nano rah nanopa liata ypazy chhao ta eima yna su chyu tawhta eima rah chata thlah eima chha hra awpa a cha.

                Abeipa ta chi nata pho ta maniah tao ta, pahra nawpa ta rah maniah a piepa he vahnei a chhih hmeiseih ta. Keimo ta eima hria theipa nata taotheipa khola hmo a cha. He hleikho ta eima thlahpa ta tlyzaw hrona a hnei thei nawpa ta a sawchapaw matlupa maniah pie ta. Ano zawhzi ta tlyzaw hrona eima hnei thei nawpa ta Thatihpha maniah chho awpa Vaili-mahno nata mahpawzy maniah vaw tuapa heih ta. Atahma cha rahzohpa cha khao leipa pi ta, rahkhaihpa tlao eima vaw cha haw. A rohnah ngaita kaw na, tah teh u..!! Abeipa ta eima chata hmo hluhpi maniah a taopa vata aly lei thai awpa cha ma pi.

                “Chavata, hy Abeipa, na hnohta eima lyna bie he paleih ta reih tiah leipa ta, pakah ta chho thai khai thei hra vei. Anodeikuala, Marasawzy ta na cho liata eima lyna cha na ta na pahno na. Eima paw, Atotaotuhpa, eima cha ly hmeiseih na, Marasawzy chata va byhna hluhpi na pasuasa tyhpa va ta…read more

                “Hy Beipa, chi hluhpizy disaopa ta y ei ta, pho hluhpizy cha leidiapa ta ama y. Keimo deikua cha nama ta maniah chhihtha chi ta, eima mahno nata mahpaw no tawhta atanoh taihta na hrohbiena kha eima topa vata nata chi hropazy disao awpa tawhta maniah na vaihpa vata eima cha ly ngaita kaw…

                “Nama ta rah maniah pie chi ta, ryureihtuhpa maniah na pie tyh – Sapa nata thlahpa liata maniah chhihtha awpa ta. Eima rah liata chhihthatuhpa – na hnohta a pahapazy nata atahma eima hry liata kha maniah hrolahpazy, chhihthana tawhta apahapazy nata maniah chhihtha haipazy, ama hriapasana nata ama chhihthana vata, hy Beipa, na hnohta alyna bie cha hla pi ta. Nama ta byhna pie mah y…

                “Marasawzy cha nie nata baw, o nata lyu kyhzy liata nama cha Pawhrahpa maniah chapa chi ta, eima ngiahpa totie maniah na pie tyh. He dei chhao cha vei, thaina nata sona maniah pie chi ta, khizaw liata chhao na thatihpha nata byhna zawhzi ta Marasawzy chyh cha chei khao ma pi. Beipa, alyna bie eima cha hla hra.

                “Beipa, atanoh he Marasawzy, pahkhu paneipa ta, paloh hmeiseihpa ta nama la thlah eima vaw chha. Eima thlahchhanazy he nama ta nah rie bah vaw pachoh mah y.

                “Na pahnopa hawhta moleina raihria ta nohto maniah chado, reipasaona thlihpi hawhta a pahthli tyh. Marasawzy ngiapana dahdieh ngaitapa heta nama cha my ha tyh pi ta, na kholeipa hmo eima tao tla maw ha tyh. Eima rah nopawpazy taochheipa liata rie bah maniah ngiahthai la, moleina nata reipasaona tawhta ama boh thei nawpa na thlahpa ta ypa chyu la, ama ngiapana tha rie na patlo awpa ta nama lata eima ch’aw hiah….

                “Eima rah thyutliazy, nama ta ypa la. Khizaw moleina tilaipa hawhta maniah vu thei awpa tawhta maniah pachha la. Moleina seichana liata atahpazy hnohta na pachhana bie phuah la, moleina a rasai ta nama chata ngachhih kawpa ta raihria thei awpa nata eima hmotaopa liata byhna maniah pie awpa ta nama lata ku eima vaw dao..

                “Hy Beipa, rah hropa nata chi hropazy ta hmahsiena la pangai lyma ei ta, keimo Marasawzy hnoh eima khaw pahchai awpa he nama ta aryh na tah awpa pangiasa ma pi. Na phana cha Israel mozy hnohta na palasapa hawhta Marasawzy hnohta rie vaw palasa la, na zawngiahna eima cho liata rie patlosa bao mah y. Chatanachata sapa nata thlahpa liata maniah chhihtha la, hmahsiena lathloh eima chhih thei nawpa ta na va byhna ochhi cha kha maniah pahyhpa bao mah y. Hriapasa thei awpa ta tiamana thlahpa eima cho liata vaw patlosa la, adona eima hnei thei nawpa ta moleina phaleinazie maniah pachu mah y.

                “Achhana liata cha, Bei Zisu ta apachupazy  cha ama pohkha thei nawpa ta byhna a awpa hawhta, hy Beipa, Marasawzy eima pohkha thei nawpa ta thlahpa ta maniah chhi la. Politics liatazy, khitlah hro liatazy, niebaw tluana liatazy nata ato liata apa-ei-pachhiana nata ahryusina tlo leipa ta, adyhryhpa kawpa ta nata kyh apacha raihrie kawpa eima y thei nawpa ta nama ta maniah chhihtha bao mah y.

“Eima taopasipazy cha nama ta maniah ngiahthai la, taopasi khao lei awpa ta maniah pachu mah y.

                “Nama cha eima rah liata nata eima hro liata kha a vaw Beichai mah y.

                “Na sawchapaw Zisu Krista moh ta eima cha hiah…, Amen”