Shillong Mara Church ta Salvation Camping pachhuahpanoh heih awpa a chhuah

Mawrah khotho lata Marasaw achuhaipa hluh chaina su Shillong liata a ypa achuhaipa nata thyutliazy chata Shillong Mara Church ta a ei 2-na chata Salvation Camping 2011 pachhuahpanoh heih awpa ama chhuah. 

SMC Chanozy nata Salvation Camping 2010 Speaker Rev. NC Vabeilua

He Salvation Camping he EFCI Achhyna-o nata Hall, Happy Valley liata tarinoh 1st - 5th November 2011 khita tao awpa a chhuahpa cha ta, Speaker chata Evan. Notha, Amobyuh hruapa a cha. Ano nata a viasa pano (2) chhao ama zu thei awpa pahnopa a cha haw. Camping Director chata Rev. Pheitha Lava, Shillong Biatuhpa a cha aw.

SMC Chapawzy nata Rev. NC Vabeilua, Rev.. VL Ngaia Hlychho

Salvation Camping patohpatia awpa nata buakhei via awpa ta Sub-Committee paduapa cha ta, he Sub-Committee liata Chairman chata Mc. A.Zawngia, Vice Chairman chata St. Elson nata Secretary chata Mc. K.Beizalaihmo zy raopa ama cha.

He hawhta Camping patohpatiapa he soh thata hryuh awpa abyuhpa a chapa vata, Shillong Awnanopa ngalah ta tao theipa cha leipa ta, chavata Fund Raising lachhah ta maniah buakhei awpa ta Rev. VL Ngaia Hlychho, ES, ECM (H) nata Shillong liata Biatuhpa ta vaw y hapa cha Convener chata raopa a cha. Ano ryhraona liata Siaha khihchhoh liata Local Church nano nanopazy hry tawhta Fund Raising lachhah maniah buakhei awpa raopa ama cha hra (He he akipa ta ama mohzy eima pahno mah leipa vata vaw palasa thei mah leipa pi ta, update awpa eima vaw chhuah aw). 

He hleikho ta Siaha khih khotho lata Awnanopa 32 hnohta Camping patohpatia nawpa ta baona hiana paphaopa cha ta, he eima hawna nawh ngaitapazy maniah pacha peimawh kaw sai ei ta, chavata eima rah Awnanopazy hnohta Shillong Mara Church ta alyna bie eima reih hmeiseih. Eima pahnotheipa rakha liata he hawhna heta eima rah Awnanopa tawhta maniah bao thei awpa ta biedaopazy a cha. (He liana heta pahno chheipa nata ro mah leipazy chhao a y tlamaw thei aw. Cha hawhpazy vaw update lyma awpa eima vaw chhuah aw)

Local Church Moh                         Baona zie

1. Aizawl Mara Church -               Rs. 10,000.00

2. Lolei Mara Church  -                 Rs.   3,000.00

3. T. Salem, Tipa 'V'                      Rs.   3,000.00

4. Tipa 'V'                                     Rs.   3,000.00

5. T. Electric, Tipa 'V'                    Rs.   1,000.00             

6. Theiri                                        Rs.   1,000.00

7. Mawhro                                   Rs.   5,000.00

8. Chapi                                       Rs.   2,500.00

9. Chapi Khihthie                         Rs.   1,000.00

10. Saikao                                   Rs.      500.00

11. Vahia                                      Rs.   3,000.00

12. Tokalo                                   Rs.   2,000.00

13. Chheihlu                                Rs.   2,000.00

14. Lodawtlah                             Rs.   1,000.00
 15. N. Colony, Siaha                  Rs. 10,000.00
16. College Vaih, Siaha                Rs.   5,000.00
17. Meisavaih                              Rs.   5,000.00

18. Bethesda                               Rs.   3,000.00

19. Siahatla                                 Rs.   1,000.00

20. Shalom                                  Rs.   2,000.00

He acho liata palasapazy he thatih eima pahno thei hnohchaipazy cha ei ta, ama cho liata aly hmeiseih pi ta, chanota Awnanopa thokha cha ryh a vaw rao hapa, chahrasala thatih eima dao mah leipazy hluhpi a y awpa ta eima hnabei a seih. 

He Camping hlaotloh thei nawpa ta Marasaw suto rahto liata ypazy hnohta nama thlahchhakheina cha haw pi ta, Camping chata baona maniah pie theipazy nama y khiatala eima ly kaw aw.

(Baona a piekhohpazy chata Mc. A.Zawngia, Chairman hnohta pahnosa theipa a cha aw. e-mail - a.zawngia@gmail.com liata tlyma, Contact No. (0)8974302690 liata tlyma pahnosa theipa a cha aw)