ECM nata Dr. Hamlet Hlychho Court liata ama khona cha ko kha hlei tlai hiahhrina nata alaichadaina a sie tawhta, November 24, 2011 liana khata thatih pahno theipa cha haw ta, cha liana chata ECM Headquarters nopawpazy cha thai cha ei ta, Dr. John Hamlet Hlychho cha thaileipachasapa a cha, tahpa ta biedaopa a cha. Biedaona ta a reina liata Judgment Order/Legal Notice deikua he atahma taopa cha mah leipa ta, thla thiehpa December 20, 2011 (tarinoh palasatuapa kha, thatih siaviapa eima pahno tawhta eima vaw update heih) khita pasiapa a cha aw, tahpa ta a reih.
Palasa hapa hawhta ECM Headquarters liata nopawpazy heta January thla liana khata Siaha Police Station liata FIR pangiapa cha ta, cha liata ama pangiana chha chaipa cha, ECM Headquarters liata Pastor pachaki (9) zy Rs. 274 lakh nieparu awpa baina chochah vata a cha. He baina he Dah (Post) tawhta chapaphaopa ta daopa cha ta, cha chahnapaphaopa cha chyhsa nano nanopazy dao ei ta, anodeikuala ahy taopa ma a cha tahpa moh ropa a y leipa vata pahno pasia leipa cha ta. Cha liata ama pangiasa chaipa cha Dr. Hamlet Hlychho a cha, tahpa FIR ama pangiana liata reih ei ta. Chavata Dr. Hamlet nata, Puhpa K.Beisa nata Puhpa FC Pa-u zy chhao patupa cha ei ta, Siaha District Jail liata daihti reipi patahpa ama vaw cha haw hra.
He hleikho ta, Dr. Hamlet heta Rev. Dr. T.Laikai cha USA la tawhta Mission baona a khy tyhpa, pahleipahlopa hawhta baina y ta, cha liata chhao thaileipachasapa cha hra ta, Cha hleikho ta, ECM Bethel Local Church ta Dr. Hamlet Hlychho cha ama paphaopa cha a chana hawhta cha leipa ta, Dr. Hamlet Hlychho ta a cha biepa panano ta, biedoleipa apathahsapa hawhta baipa cha heih ta, he kyh liata chhao thai lei pachasapa a cha hra, tahpa ta Maraland Post biedaona ta a reih hra.
Related Source:
8 comments:
Court liata ama kho tawh cha court biechhana 'verdict' he a peimawh kaw. Biechhana tao leipa ta ko hluhpi case a sie hapa he y tyh ta, chavata biechhana ama taopa cha pahno byuh a chhih kaw. He court biechhana he Aizawl Judicial District he website hnei ei ta, Judgement ama papuapazy cha online ta mo theipa a cha. Eg. UPC (NEI) Vs. UPC(Mizoram) - http://djaizawl.nic.in/judgements/2011august/2011august.html Siaha liatapa he website liata hmo thei awpa a y hra va tly ma? Word to word judgement ama piepa ama interpret dah pahno byuh a chhih kaw na.
Ado kaw, Siaha Dist. Judicial Deptt. heta online he a hmah nata hmah beih leipa pahno pasia leipa na ta. Vaw hmah tyhpa a cha khiatala biesia chaipa tlao a pahno thei aw. Biedaona liana heta Side sakha la tawhta ngalah a vaw cha nata, pahno chheipazy nao kaw tyh ta. A cho liata ropazy chhao adoleina a y thei heih ngyu thei heih. Dear Maraland.net na vaw comment vata alyna bie ei cha hla
Legally ta cha judgement or court verdict he November 24, 2011 pronounced hawpa cha ta, the quantum of punishment he December 4, 2011 ta ama phuah aw, tahna a cha sy he. Ama court verdict he pahno byuh kaw pi ta, tawhta hriena ama phuah awpa chhao he pahno byuh a chhih kaw. Tawhta, higher court liata appeal thei heihpa chhao a cha.
Hmia la kha ta State of Mizoram Vs. Dr. John hamlet hlychho court liata ama khona tapa cha ta, tahma duamaw, ECM ta Dr. Hamlet Court liata akhona tapa a cha haw hei? tawta ei vaw pahno na da ta, Dr.hamlet he 'circumstatial evidence ngala ta thailei pacha sa pa a cha' tapa ta ama rei. Circumstatial he cha a rai naona zi ta 'pangiasapa' a cha. He vana he ta Dr.hamlet chhao High court lata sie chei ngei awpa ama pangia sa. Magistrate chei ngei ta 'ka judment hi a dik ber ka ti lo va, court sangzawka kalduh tan inkal thei ang' tapata a rei ama ta. Editor, asipathu aw na tapakha adokaw awpa eipangaisa. Pangiasa tawpta Dr.hamlet ta thai lei a cha thla awpa he akho na ta pangiasavana, kei ma apachana ta kho awvana. Tawta unfairmeans ahluhkaw ama tacha maw?
ECM nata Dr.John hamlet thatih cha avaw pua haw ma? Eipangiasa dah tlai acha. Awnanopa(denomination) nata Individual akhopa hela lower court liata la individual he thailei ama cha aw tapa eipangiasa rai acha. Anodeikua Higher court liata la a dah anano aw. Asie hlata kha Pastor 9 nawh nieparuna tapa cha kha hmo hrana ta, a detail ngasa, name, service period, heading, amount etc. zy kha detail kawpata ala khai haw. Auditor 1 hiahrina ta "Auditor acha leipa nata Audit note a hnei leipa ta la tao thai awpa chavei" tapata eina chho. Chavata, kei la "bai lei awpa ama bai ha khia maw?" tlao ei ta chamaw? Circumstantial Evidence nama tapa he, "Ku patupa y leipa, pangiasa achhih chaipa" (closest suspect) tana acha. Dr.Hamlet heta 1980-2007 chhoh zydua Audit note hnei nawpa chance a hnei ma? tapa he hiahrina peimawh kawpa a cha. Tawla, Dr. Hamlet leipa he chyhsa hropa ama pangiasa awpa ama y thei ma? am tlua ma? tapa chhao he hiahriana peimawh kawpa a cha hra. Written Judgment Order he ha tua ei sila, a siavia heina ta ei pangiasa.
Dr Hamlet he ei hie eina paha kaw. Khazia maw Synod awnanopa lata ama vaw thlaha tly. Mara awnanopa liata tla y sala achathaina zy apahria kaw. Synod lata avaw ha khiata cha Tlaikao penawh ta athaina ama hma ba aw tana a cha. Ei hie a ha kaw, a marasaw lei kawpata ei pahno. Eima hnola khata autapa Rev.Khaicho chhao Synod liata angia haw ta, zahnia Synod assembly liata pastor chata la heih ei ta, Ramhlun South liata Pastor chata ama so hei pata ama rei. Ano chhao he rai thlai ama vaw pie na ta ei pangiasa. Marasaw ama paphasai pata ei pahno. Tipa V liata chhochhi cha Synod ta Tipa Synod Church chalei nawpa chata Lakh 12 ama vaw pie ama ta hei chu...rah vaw pakaw via lyma awpa ama chhuapata ei pahno, Hamlet Synod lata avaw thlahapa he ataochhei kawpata ei pahno, ei hie a ha kaw.
- LK
December 26 eima pha haw. Update eima hana a vaw rei kaw ba. He case he vaw update ba la eima tah kaw. Eima cha ly.
Daihti reipi vaw update thei khao leipa na ta, user zy pachathaina eima cha haw hmeiseih. Eima rah la khy na ta, computer ei phao leipa hnaihta ei vaw update chara thei khao leipa a cha. Maraland Post apasotuhpa zydua hnohta Kothiehpa chibai eima cha bu. Abeipa ta he daihti thiehpa nata Kothiehpa 2012 a vaw tlo awpa he moto chata byhna vaw cha sala, tahpa eima thlahchhana cha ta, khokheina sahchaipa ei cha hla chyu ei.
Post a Comment