Vairengte nata Silchar likawh liata Sumo 2 ama hrao

 Source:  The Zozam Times (He vaw palie hma leipa pi ta, nama pachathaina eima cha haw)

Inrinni zing dar 2 vel khan Aizawl atanga Guwahati pan sumo pahnih chu Silchar bulah suam an ni a, passenger te bungraw thahnem tak an laksak a, mi paliin hliam an tuar. Passenger zinga pahnih chuan heng misual -te hi kutlawngin an beilet a ni. Sumo suam thu hi an hriat veleh Vairengte police te chuan suamhmang te chetna hmun hi an pan nghal a. Sumo suam te hi MZ 01G-0225 Lalthangmuana Bawngkawn Aizawl a mi ta niin a neitu hian a khalh a, mi pakua an chuang. Bil-khawtlira Zaliani motor,  KLS Tra-vels,  AS 01CC-1488  hi David Lalfakawma, Bawngkawn a mi chuan khalhin mi pariat an chuang thung. Tawhsual an tawhna hmun an thlen hma hian Silchar lam atanga truck lo tlan, AS 01DC-1722 chu kawngkham zawnga inherin motor tlanna hi a dal a. Hetianga kawng dal zawnga a din lai hian motor a\ang chuan sipai uniform ha, mi 18-20 vel chuan sumo pahnihte hi an suam ta a ni. Heng mite hian silai pakhat, tiang leh hmanraw dang an keng niin an sawi. Sumo pahniha mi chuangte hnen a\ang hian mobile handset pakua, Rs. 39,800 hu leh bungraw chi hrang hrang Rs. 45,380 hu leh pawisa fai Rs. 1,35,300 an laksak a. Mi chuang zinga mi, Assam regiment-a \ang lai, J.Lal\anpuia (33) s/o J.Lalhlira, Tachhip khua a mi chu a ID leh lehkha pawimawhte an laksak bawk. J.Lal\anpuia hian a lehkhate hi pekir tura a ngen avangin suam -hmangte kut na takin a tuar. Lirtheia chuang ve, Assam Regiment-a \ang -kai tho, Lalmuanchhunga (26) s/o Zoliana, Samlukhai pawh misual te hian a ban veilam an tihtliah sak a, anni bakah hian hnamdang chuang ve pakhat leh driver, David Lalfakawma te pawhin hliam an tuar a ni.  Anni pahnih hian kut lawngin misualte hi an beilet a, misualte hian Laltanpuia hi a lu-ah an sat hliam a, Lalmuanchhunga hi a ban veilam an vuak tliahsak bawk.  Heng hliam tuarte hi Silchar Medical College, Gungur panpui an ni a, mi chuang dangte hi Rangir Khari Police Out Post--ah lak niin Silchar Police Station-ah thubuai siam nghal a ni.  Silchar Police te chuan he thil thleng chungchang -ah hian mi pahnih an man tawh a. Motor tih din nana an hman truck  Driver, Jamir Uddin S/o. Allah Uddin Karimganj leh hadleman te pawh manin thil awm dan zawh -fiah an nih hnu-ah motor nen chhuah an ni.  Sumo tihdinna atana an hman truck driver-in police te a hrilh dan chuan, Silchar lam pana a tlan chu heng misualte hian ding turin an lo phar a, sipai pangngai an nih ringin motor chu a tiding a. A din veleh motor hnung lama chuang turin an nawr lui a, anmahni chuan motor chu khalhin Vairengte lam an panpui a, sumo an suamna hmun an thlen hian motor chu kawng kham zawngin an dah ta niin a sawi.