Arunachal Mission Field cha Pahypa a cha haw (updated)

          Post hmiatuapa liata eima vaw palasa hapa hawhta ECM ta Arunachal Pradesh liata Mission Field pahy hapa cha ta, ECM Headquarters nopaw a sie hapazy chhao vaw kua ei ta, Shillong ama vaw tlo haw tahpa biedaopa a cha. Atahma Mission Field ama pahyna su he Teju su liata cha ta, palasa hapa liata Missionary papalihzy chhao atahma liata sukha liata ama y chy. Evan. M. Lalnunhlima nah novahzy room sakha tloh ei ta, Evan. VT. Ngona nata Evan. B. Melijee zy sukha liata ama y hra. 

          Missionary zy tawhta biedaona liata Field thiehpa a chapa vata otlo awpa soh kaw ta, hmo thei leipa ei ta. Chahrasala chanota atahma ama yna khih liana heta Christian a vaw y hapazy ama vaw yna zawhzi ta amo heta vaw paryhpapaoh khei ei ta, amo eih building liata room ruapa (store-room ta hmapa) zy paruapa ta yna ama paryh chy. He Awnanopa (Mission) vaw y chiehpa he Baptist Awnanopa cha ei ta, amo nata ama hriaparaoh chy aw. He Missionary 4 tuapazy he Soil Testing hnei awpa cha ei ta. He tawhta ko thoh (3) khola liata Mission Field chata pahytlah a cha nata cha leipa moh aw ei ta. Chatinachata a pha khiacha Mission Field chata pahypa a cha aw.

           Mission rai chakaona he rainaopa cha leipa ta, a rairuna cha eima Missionary-nahzy ta ama kaw chatoh awpa a cha. Chavata, eima thlahchhakheina ama ngiah ngaita kaw. Eima thlahchhana liata kha a thei ei suh vy.