Mizoram State pohpalohpa liata Siaha District (West Maraland) cha hawsaihpa thina a hluh chaina a chapa vata Awareness Campaign hnei awpa ta Mara Chano Py-zy Mararah khih zydua chahryh awpa ama chhuah.
He Awareness Campaign hnei awpa he zahnia Mara Chano Py, Headquarters Office, Siaha liata pathlupa cha ta. He Program liana heta Mararah liata Chano Py laichaipa miano - Mara Chano Py (M.Ch.P) nata Krizyhpa No Py (KNP) Headquarters chhihthatuhpazy a hlaopa ta Joint Meeting ama hnei. He py sanopazy heta Joint Resolution Passed ei ta, Mararah khih zydua chahryh ta, khihtlah nata chano zydua hnohta pachuna pie awpa ta sie awpa a chhuah ei ta. Chano hluhpizy pahnona chyhpa vata hawsaihpa thina atlotyhpa cha adyuh awpa ama chhuah. He ama Meeting liana heta Aganwadi Centre nata Sub-Centre zy ama chana dah hawhta hma leipazy cha hmah phahnai via awpa ta apasyu awpa ta ama chhuah chai. Cha hleikho ta, ochhoh-lyukah nata khitlah pathaihna avaona kyhzy liata chanozy cha tiama papua via awpa apasyu awpa ama chhuah hra.
He Joint Meeting liana heta Chano 10 zy ta Awareness Campaign sie awpa ta moh ama vaw pangia hra, tahpa biedaopa a cha. Tawhla, he he Puhpa Kunal, IAS, DC, Siaha hmahlana ta taopa a chapa hawhta pahnopa a cha hra.
Related Sources
No comments:
Post a Comment