Dr. Hamlet Hlychho ta FIR pangia haw hra

            Dr. Hamlet Hlychho ta Siaha Thatihbuzy apakyhna hneipa ta FIR a pangia haw hra tahpa ta reih ta, ECM Hqrs soh duasu he ACB & PRISM zy ta ama laichadai aw, a tah.

            Dr. Hamlet he atako January thla liata ECM Pastor 9 zy nieparupa ta thatih hiezawtuhpa hawhta baipa cha ta, he vana heta ano he pangia chaipa a chapa vata noh 23, January khata patupa cha ta, he noh tawhna heta Siaha District Jail liata khopa a cha. Thatih palasa hapa hawhta thisaih thlohpa pasana a hneipa vata supi viapa la a mohhoh awpa ta sie awpa tahpa cha ta, atahma he a pachhuah panoh ngahaino a cha tahpa ta Siaha thatihbu Moonlight ta a palasa.

            Dr. Hamlet heta he hawhta Mararah liata Awnanopa laichaipa ta keimo mopakha ei na nua hapa vata atahma cha kei chhao ta tao awpa ei kho lei kawpa ei tao awpa abyuh haw, tahpa ta FIR he tarinoh 2, March liana khata apangia tahpa reih ta, ACB nata PRISM zy ta eima Pastor nahzy he nieparuna liata ama pathaih tlai ma, tahpa ei na mokhei aw ei, a tah.

            He hmo he Awnanopa pohpalohpa nata a rah chhao pei hria thei awpa a chapa vata eima sie pahthu kaw awpa pangiasapa cha ta, Awnanopa he thachha daihti y ta, taopathi nata padua pathina daihti a ngiah daih a y tyh. Mara Awnanopa chhao Khazohpa ta a pathai khohpa na a a cha thlyu aw, tah ta. Dr. Hamlet heta a uhtapa Rev. HC. Khaicho chhao chhapa y leipa pabapa a cha, a tah hra.

            Dr. Hamlet Hlychho heta ano ta FIR apangiana chhapazy nata ECM Nopawzy cho liata a palohtlah leina point hluhpi thatih lapakhytuhpazy hnohta a chho hra.

(He point he vaw palie khao hlei leipa pi ta, pahno khohpazy chata Moonlight.online liata rei thei awpa a y)

Source:Moonlight Newspaper