Mara zawpizy ta Mizo Idol 2011 Siaha Satlia Lalthuthaa Rohnah kawpa ta dy

Mizo Idol ama sy

Atako ta Zonet Cable Service patohpatiapa liata Mizo Idol, Siaha Satlia Lalthuthaa cha rohnah kawpa ta Mara zawpizy ta zahnia khata vaw dy ei ta, thata palyupalihpa a cha. He Mizo Idol ta a pina ti nah rah a ngia awpa heta chyhsa hluhpi ta Mararah angiana Kaochao 'E' taihta aza hlady ei ta, a hluh viapa deikua Siaha Tlyliah by, District Playground liata ama vaw ha.

 He Mizo Idol dyna he MTP nata NGO hropazy ta patohpatia ei ta, MTP (H) President Dr. K.Rakhu ta chhihtha ta, Stage rohnah kawpa nata Sound System pha chaipazy paryhpakhypa ta dypa a cha. Zawpi thysah hluhpi ta dy ei ta, he he Siaha liata zawpi apohpakhy hluhchaina chhao a cha thei awpa ta pangiasapa a cha. He dyna Programme liana heta Mizoram Chief Minister nata a lahpino Pihno Rii chhao a hlao hra ei ta, ama ydy hra. Mizo Idol heta Siaha khihchhoh tawhta ano viasa nata alykheituhpazy  motor tawhta chalo ei ta, Tlytlia By tlona taihta ama sy. 

Zawpizy Idol ama ha thlahha

Mizo Idol ta ano vaw dypazy hnohta alynabie a reih

St. Lalthuthaa Renthlei he Puhpa R. Lalkima nata Pihno A. Ngokho sawchapawpa, ECM Vaih, Siaha liata pahrapa, khihsa riethei kawpa tawhta puapa cha ta, ama unawh 7 hry liata hati chaipa a cha. Tari noh 9th. Phiapi 2011 za khata Mizo Idol chata phuahpa cha ta, he result phuahpa a cha pataw nata Marasawzy ta alykhei hmeiseih ei ta, khokheina ama hla. Cha hleikho ta Siaha liata Joint VC nata NGO zy ta a pahrana o cha a chy kawpa vata phie ei ta, athiehpa ta ama sapa. MADC liata nopawzy chhao ama lykheina phuah hra ei ta, biedaona liata Art & Culture Department liata Instructor rai ama pie aw, tahpa reipa a cha hra.

CM Puhpa Lal Thanhawla Biereina A hnei

Atahma Mizo Idol atlyna he a ei 3-na cha ta, Ko 2007 liata ataopasuana liata New Siaha tawhta St. Lalhmingliana Chhangte (Hmingtea) cha Top 3 taihta a vaw tloh haw hra. 

Mizo Idol o thiehpa

Maraland Post ta alykhei hmeiseih hra pi ta, a sie laih lyma nawpa liata khokheina eima hla hra.

Source : Maraland.net, Nothlahpazy he Facebook - Siaha, Mararah Thatih nata a hropa tawhta lapazy a cha.