Mara zawpizy ta Mizo Idol 2011 Siaha Satlia Lalthuthaa Rohnah kawpa ta dy

Mizo Idol ama sy

Atako ta Zonet Cable Service patohpatiapa liata Mizo Idol, Siaha Satlia Lalthuthaa cha rohnah kawpa ta Mara zawpizy ta zahnia khata vaw dy ei ta, thata palyupalihpa a cha. He Mizo Idol ta a pina ti nah rah a ngia awpa heta chyhsa hluhpi ta Mararah angiana Kaochao 'E' taihta aza hlady ei ta, a hluh viapa deikua Siaha Tlyliah by, District Playground liata ama vaw ha.

Shillong MSO ta Open Essay Competition pachhuahpanoh

Mara Students Organisation, Sub-Headquarters, Shillong ta eima rah chi nah pho pabohsana awpa nata hmahsiena lachhah aheihpa ta Open Essay Competition patohpatia awpa a chhuah ta, he Competition chana heta lyma (Prize) pha kawpa hleikho ta, Ryusohpa nata ryucha pha kawpa cha pie awpa ama chhuah, tahpa ama circular liata ama palasa.

SMC Salvation Camping Hlaotloh Kawpa ta patloh haw. Thyutlia 100 hleita alyna thiehpa to

Shillong Mara Church pachhuahpanohpa ta Salvation Camping hneipa, Hriaheihnoh zala tawhta hneipathao cha zahnia Pachynoh my khata daihti pachhapa cha ta. He Camping liana heta Camper liata angiapa 112 nata khotho la tawhta avypa 8 y ei ta, a zydua ta 120 ta Camping daihti pha kawpa ama hmah. He Camping liata angiapazy he Marasaw, Shillong liata achuna vata avypazy sairo cha ei ta, he thyutliazy heta alyna thiehpa topa ta zahnia Pachyhnoh khata Camp tawhta ama pua.

MSO Shillong ta MSO Day a nano kawpa ta Daihti hmah

MSO Sub-Headquarters, Shillong ta zahnia tari noh 4th November 2011 cha MSO Day a chana hawhta ama duanoh hmah hra. Anodeikuala atako ta MSO Day ama hmana dah he ko hro ta ama hmah dah tyhpa hawhta cha leipa ta, a nano kawpa ta daihti ama hmah.

Shillong Mara Church ta Salvation Camping pachhuahpanoh heih awpa a chhuah

Mawrah khotho lata Marasaw achuhaipa hluh chaina su Shillong liata a ypa achuhaipa nata thyutliazy chata Shillong Mara Church ta a ei 2-na chata Salvation Camping 2011 pachhuahpanoh heih awpa ama chhuah. 

SMC Chanozy nata Salvation Camping 2010 Speaker Rev. NC Vabeilua

Vairengte nata Silchar likawh liata Sumo 2 ama hrao

 Source:  The Zozam Times (He vaw palie hma leipa pi ta, nama pachathaina eima cha haw)

Inrinni zing dar 2 vel khan Aizawl atanga Guwahati pan sumo pahnih chu Silchar bulah suam an ni a, passenger te bungraw thahnem tak an laksak a, mi paliin hliam an tuar. Passenger zinga pahnih chuan heng misual -te hi kutlawngin an beilet a ni.

Shillong KTP ta Music Video Shooting Hneipa patlo haw

Atako ECM KTP Headquarters ta KTP Branch zydua hnohta Music Video tao chyu awpa ta pahnosana a taopa hawhta Shillong Mara Church KTP Branch zy chhao Music Video tao hra ei ta, atahma cha Video Shooting ama hneipa cha ama patlo haw, tahpa President, Chktp. C. Henry Vabeibyhnasa tawhta biedaopa a cha.

SMC KNP ta Tiwa Mission Atlypahlao

Shillong Mara Church Krizyhpa No Py zy ta ama Headquarters biepathlupa hawhta zahnia Dt. 8th 10.2011 khata Tiwa Evangelical Mission Field, Assam ama za tlypahlao. He atlypahlaona he Bus ta alah ta siepa cha ta, mydi dawh 6-pa ta athao ei ta, zala dawh 5-pa ta Tiwa Mission Field tawhta ama vaw kua lilaw ha heih. Sapa nata thlahpa liata ama thohkhei kaw sai.

Shillong MSO Annual Sports 2011 hmah

Mara Students' Organisation, Sub-Headquarters, Shillong ta Hriaheihnoh tawhna khata Red Field, Motinagar liata Annual Sports 2011 ama hmah pathao. He Annual Sports liana heta Guwahati nata UCC liata Marasaw achuhaipazy chhao kaw tlo khai hra ei ta, thapawh kawpa ta nata aly kawpa ta atahma he Sports Events chi nanopa ama taopasua nga hai. 

Rev. Pheitha, Puhpa K. Beicho, P.P. Siatha, Mc. S. Thahlo