Shillong MSO ta Open Essay Competition pachhuahpanoh

Mara Students Organisation, Sub-Headquarters, Shillong ta eima rah chi nah pho pabohsana awpa nata hmahsiena lachhah aheihpa ta Open Essay Competition patohpatia awpa a chhuah ta, he Competition chana heta lyma (Prize) pha kawpa hleikho ta, Ryusohpa nata ryucha pha kawpa cha pie awpa ama chhuah, tahpa ama circular liata ama palasa.

He Essay Competition he ahyrai akhohpa maih a hlao thei awpa ta pasaipa cha ta, achuhaipa zydua hleikho ta eima rah ta scholar eima hneipa nata sawkha raihriana a hnei hapazy chhao vaw roh thei chyu ei sala, tahpa ama khona bie Maraland Post hnohta ama chho. A biepipa (Topic) cha, "Maraland - Abohna nata Hmahsiena awpa" tahpa a cha.

A Lymazy

1st Prize - Phusa Rs. 5000.00 + Momento + Certificate.

                (He lyma he Puhpa H. Siku, MCS nata a chhohkhazy ta ama vaw toh)

2nd Prize - Phusa Rs. 3000.00 + Momento + Certificate.

                (He lyma he Puhpa M. Lalrammawia, MES nata chhohkhazy ta ama vaw toh)

3rd Prize - Phusa Rs. 2000.00 + Momento + Certificate

                (He lyma deikua he ahyma a vaw toh aw tahpa sia mah vei. A vaw toh khohpa eima y khiatala     MSO leader zy hnohta lyma, email-  msoshillong11@gmail.com liata lyma pahnosa theipa a cha.)

Consolation Prize: Mo papangawh hnohta Phusa Rs. 500.00 sai hlapa ama cha hra aw. He he Advisor  nata  Senior Advisor zy ta ama vaw toh aw.

Rona dah awpa nata pangiana daihti nata suzy:

He Essay Competition liata a hlao awpazy chata pahno byuhpazy cha:

1. Computer ta chhuhpa a cha awpa a cha. Size - A4, Font - 12, New Times Roman a cha aw.

2. A seihna zie - 2500  tawhta 3000 mohchho (word) taihta a cha aw.

3. Pangiana daihti : Dt. 10th December, 2011 hlata pangia khai awpa.

4. Pangiana su : MSO Hqrs, Siaha Office nata New Skylink Vision Office, New Colony, Siaha. Tawhla  Shillong MSO leaders (OB nata Executive Committee Member) hnohta chhao pangia theipa a cha hra.

5. Email - msoshillong11@gmail.com liata chhao paphao theipa a cha hra aw. PDF file attached ta paphao awpa a cha aw.

6. Lyma raina: Lyma raina he rairuna a y leipa a cha khiatala, Dt. 21st. December, 2011 liata hneipa a cha aw. He noh heta Shillong MSO ta New Skylink Vision Studio liata Press Meet hnei awpa a chhuah ta cha daihti liata a cha aw.