Maraland Post: Maraland Post News

Sunday, July 10, 2011

Maraland Post News

Maraland Post chhao hmahsiena la eima pangai lyma. Computer Knowledge a hnei leipa, Website Designing lachhah sakha hmahta thaina a hnei leipa, keima ku-phei chohkiahpa vata kheihta nata kheihta hria na ta, tla vaw pua thlahha hrapa, Maraland Post he Blog hropa nata Website hropazy nata pakho ngah awpa cha vei. Chahrasala eima phana rakha ta eima hriana liata hmahsiena la eima pangai lyma hrapa vata eima ly kaw.

He Maraland Post Blog he, he hawhta a vaw cha thlahha hra aw, tahpa rai ei saduthliena ta a pha vei. Chavata, keima e-mail ID ta chhao tao leipa na ta, ID tao chhyhpa ta tla ei tao chakhyhpa kha a vaw cha.

Ataodahzy tao pahno via lyma hra na ta, ei pahno via lyma heih awpa ta chhao ei hnabei a seih. Chavata, eima phana rakha liata hmah eima siena he, aly ngaita kaw pi ta. A reihtuhpa zydua hnohta chhao alynabie eima cha hla hra.

1 comment:

Maraland said...: Ly achhih hmeiseih na! Thahohpa nata novahna ahnei naopazy chata cha phusa hryu byuh leipa ta website/blog pha kawpa taotheina la he ahluh kaw. India rah liata blogger ahneiroh chaipa ta pachapa khizaw liata technology lachhah liata blog ama tly chaipa py Puhpa Amit Aggarwal zy chhao he blogspot tawhta blog pathao ta, labnol.blogspot.com hmapa ta chyhsa atlypa thata vaw hluh eita, hnola ta labnol.org (Digital Inspiration) tahpa website pitlohpa zy chhao a vaw tao laih hei. Athaona nawh hrasala achhuahna pha kawpa hneipa ta tao hualua lymapa ta eima y khiahta cha hlaotlohna he a y cheingei aw. Mara website/blog apoh via lyma awpa he kho achhih hmeiseih. Arei leipa liata Hmasiena hmo thei awpa y lyma ta ly achhih via pachai...; July 11, 2011 at 1:52 AM

Subscribe to: Post Comments (Atom)

KeimaThatih Chyupa

Khopai liata pihpa, Siaha liata Khihsapa, atahma Shillong liata B.D. Final Year John Roberts Theological Seminary, liata achu ngahaipa ei cha.

Mara Literature hmahsiena awpa he ei pacha chaipa cha ta. "Hraihsua" monthly Magazine cha September 2001 liata vaw papua tua na ta, 2002 - 2004 khata "Zawpi" Marareih Daily Newspaper ei vaw tao haw hra. Atahma he Mara Literature hmahsiena chata Blog 3 - Maraland Post, Shillong Mara Church nata (keima chhohkha Blog) A Zawngia and Family Blog ei mohoh nga hai.

Chakaona liata Tripuara Mission Field liata 2005 - 2008 taihta Missionary rai (Principal, Immanuel English School) vaw hria na ta.

Shillong liata ei y chhohta keima chata chakaona daihti ngiatlah chapazy cha:

1. Shillong Mara Church liata Ko 2010 October thla tawhta "Chakaotuhpa" chakaona rai hria pathao na ta, 2011 January tawhta "Macha" ta chahnaopa ei cha hra.

2. Ko 2011 January liata Building Board Commttee paduapa cha ta, cha liata Chairman ta deichhy ei ta. Anodeikuala, he he Term kha vaw siekhei pi ta, 2012 liata chhihthatuhpa athieh- pazy ta he Committee he ama phie haw.

3. KNP liata Ko 2010 - 2012 taihta Advisor chakaona liata na deichhy ei ta, ei thohkhei ngasa.

4. MSO liata Ko 2009 -2012 taihta Sub-Hqrs, Shillong liata dyutlai lei kawna chota Adsiver liata na soh hra ei ta, ei na thohkhei ngasa.

5. Eima Seminary liata chhao Marapa keima deita ta y hr'aw hra sala, viasazy khokheina to na ta, ko 2011-2012 liata Students Christian Movement of India, JRTS Unit liata Finance Secretary chakaona chhao ei vaw hria haw hra.

By A.Zawngia, Editor

Editor Hmahlana Tlahpipa

Achuna liata nohchareih Assigment hleikho ta Sermon awpa apatohpatia awpa byuh ta. Cha hleikho ta ei paloh liata bie vaw ypa nata Mararah thatihzy papua hra awpa khoh na ta, ei daih lei kaw tyh. Atahma hlata ei raihriapazy cha:

1. B.D. Thesis Topic - The impacts of British Colonialism on Mara Community in Socio, Economics, Politics, Cultural and Religious Life, tahpa a cha. He he January liata patlo ta, aryhpaoh khiacha chabu ta papua cheingei awpa ei chhuah.

2. Marareih Advanced Grammar - Patohpatia taraw na ta, chahrasala daihti ei hnei thei leipa vata ei chalihsai chy. Daihti ryhpaoh tuachaipa liata pazao awpa a cha.

3. Tunge Hriati Pa? - He he rohpathao na ta, chahrasala achuna vata paloh pie thei tu khao hra va na. Mawreih lata ropa, Novel a cha.

4. Abeipa nata Mararah chata - He he Marareih ta papua awpa a cha. Keima ta Abeipa chakaona rai ei ngia pathaona tawhta atanoh taihta ei chakaonazy, Missionary rai ei hria daihti thatih nata, Sermon lapakhypazy a cha aw.

He Maraland Post atlytuhpa, apasopa zydua hnohta nama thlahchha-kheina ei cha haw ei.