Siaha District chhoh liata hawsaihpa, ko tlohleipazy thina hlata a hluhpa vata Zahnia kha MTP Hall liata Sawkha pipa (Central) pachhuah panohpa ta Bharat Nirman Public Information Campaign hneipa a cha. He Awareness Program hneipa liana heta Siaha District, West Maraland liata ko tlohleipa hawsaih a thipa cha atahma thla lia sai ta 22 ama cha haw tahpa palasapa cha ta, chi a chhih kaw na tahpa palasapa a cha hra.
PIC liata National Rural Health Misssion thatih he Pino Vanlalpeki, Program Manager ta reih ta, Siaha District cha Mawrah pohpalohpa liata ko tlohleipa thina liata a sah patlua kaw; atako ko a sie haipa liata chhao 89 ama thi haw, tah ta. He hleikho ta no nawhphaona chota a thipa 4 ama y. Ko a sie hapa liata a thipa cha 117 cha ei ta, no nawhphaona chota a thipa 7 ama cha, tahpa ta a reih hra.
Bharat Nirman Campaign a hmakheituhpa, Puhpa Kunal, Siaha DC ta, noh 100 ahlawhfahna - MGNREGS siekhei ngahaipa cha zawpizy a paraotuhpa a cha aw tahpa chi a chhih kaw na, tah ta, MGNREGS cha a chana dah hawhta siekheipa a cha khiatala hmahsiena a tlokheituhpa a cha aw. Scheme pha kawpa hlaopatlohpa a cha thei nawpa ta cha zawpizy eima tao chabahpa a cha, tahpa ta a reih.
Campain liana heta sawkha pipa ta scheme nata program chi nano nanopa a siekhei ngahaipa - MGNREGS, NRHM, SSA, IAY, BRGF, PMGSY nata a hropazy chhopasia ta, zawpizy hiahhrinazy chhao achhy hra. He Campaign he Atanoh Noh-aotlah liata hma pazaopa a cha aw, tahpa ta Vanglaini ta a reih.
(NB: He thatih he Maraland Post ta tarinoh 25, Feb. 2011 liata ei kha vaw roh ha pi ta, eima zydua ta pacha khi a tlohpa a cha. Puhpa Kunal, DC Siaha biereipa he pacha khi a tlohpa a cha. Central Sawkha ta Scheme nata Program a taopazy hlao patloh awpa heta Sawkha raihriapazy maophaohna ma a cha aw ma, zawpi maophaohna ma a cha aw, tahpa he pachapazi ei sih la, Comment pie theipa a cha. Thokha Article ta a rohpazy cha a.zawngia@gmail.com liata paphao theipa a cha aw.
Source: http://www.vanglaini.org/
No comments:
Post a Comment