Sport:: Champion awpa ta pangiasa chaipa Brazil QFliata ama tla haw hra

Brazil tlo khao veih

Champion awpa ta pangiasa chaipa Argentina, Copa America patlotuhpa cha zahhnia my kha ta Uruguay penalty liata ama pahnie khao leipa vata Semi Final a ngia thei khao leipa ei ta, Quarter Final liata ama tla haw. Argentina a cha vei khia, Brazil a cha aw, tahpa ta khizaw chyhsa hluhpi ama sai ngahaino ta Brazil chhao, atamy Paraguay nata Quarter Final ama khaihpa liata Penalty liata pyly ama tla haw heih hra. Defending Champion chhao Semi Final tlo thei khao hra vei.

Uruguay pahniena alyna

Argentina nata Uruguay kha, 1-1 ta sih ama pasuh tawhta Extra Time 15 + 15 min. akhaih pazaopa cha heih ta, chahrasala, ama kho hapa vata Penalty Tie Break Rules hmapa ta Penalty chapie ei ta. Uruguay la tawhta ama pangia khai no ta, Argentina la tawhta ama Striker thaipa nata thatlopa Carlos Teves ta pangia thei khao leipa ta, Copa America tawhta ama tla haw. Brazil nata Paraguay akhaihpa he 90 mins. chhoh ta goal angia tla leipa ta, 15+15 min. Extra Time piepa cha heih ta, chahrasala goal pangia thei raihrie veih ei. cha. Chavata Penalty cha piepa cha ta, a vaw nano kaw - azaopa ta Brazil cha ei palih tlai chapie chhei ei ta. Goal sakha hmah kho thei veih ei. Paraguay ta Goal 2 ama pangiapa vata ama tlo haw.

Peru Team Alyna

Quarter Final hropa liata Peru ta Columbia cha sih-no, Lobaton nata Vargas zy Extra Time liata ama pangiana zawhzi ta pahnie hra ei ta, Semi Final ama ngia haw hra. Chaleipa ta, Chile nata Venezuela zy akhaihpa cha hra ta. Atahmano ta Soccer Bajaar liata rei hlao chaipa, Barcelona ta a chalei hapa, A.Sanchez cha tlo via awpa ta pangiasa viapa cha heih ta. Anodeikuala, Venezuela ta ama Defender pano - Vizcarrondo nata Cichero zy hriapasana zawzi ta Chile cha 2 - 1 ta pahnie ei ta. Chile chata H. Suazo ta goal kha pangia hra sala, tlo thei khao veih ei. 

Venezuela Team Alyna

Khizaw he a chalihpa cha leipa ta, a pahieh ngahaipa, a nano thlahhapa a chana ala kaw. Champion awpa ta pangiasapa zydua pahniepa cha ei ta, pangiasa hlei leipazy ta tlao ama tlo via haw.



Semi Final he Peru nata Uruguay ta tarinoh 20th July (Pakhynoh, India liata cha Pohbiehnoh my) ta akhai aw ei ta. Paraguay nata Venezuela he Pohbiehnoh (India liata Chutyhnoh my) liata ama khaih aw.

Sources:    Copa América - Brazil beaten on penalties
                 Copa América - Venezuela into semis after beating Chile
                 Maraland - Messi Py Argentina Copa America QF lia tla haw
                 Copa América - Late show sends Peru into semis