Sports: Copa America Final liata Paraguay nata Uruguay

Palasa hapa hawhta Copa America Semi Final cha Paraguay nata Venezuela ta atamy kha akhaih ei ta, daihti 120 mins. chhoh ta goal pangia theipa ama y raihrie leipa vata penalty chapiepa cha ta. Paraguay ta Venezuela cha 5-3 ta ama pahnie haw. He vata Paraguay cha 2011 Copa America liata Final ama vaw ngia haw hra. Paraguay he Quarter Final liata Defending Champion Brazil vaw pahnietuhpa ama cha.

Semi Final hropa zahnia mydi khata Peru nata Uruguay akhaih ei ta. Uruguay ta Peru cha sih-no (2-0) ta ama vaw pahnie haw hra. Uruguay chata goal pangiatuhpa he Luiz Suarez a cha. Minute 53 nata 58-na liata a pangia.

Third Place he Pachynoh zala (keimo lata Pahanoh my) ta Peru nata Venezuela akhaih aw ei ta. Final he Pahanoh zala (keimo lata Hriatuanoh my) ta Paraguay nata Uruguay ta Argentina khihpi, Buenos Aires Monumental Antonio Liberti Stadium liata  ama khaih aw.