Tovyuh liata palôhtlâhpa a vaw ru kaw

Mohropa pachâpa ta rai pha kawpa hmâh châ hra vei sala, ei raizy bâsaipa ta nata lahpi nata chhâhkhazy siesaipa ta ECM zy liata "Pastor Pakha" châ thei hra awpa hnabeiseihpa ta ko 2008 liana khata John Roberts Theological Seminary, Shillong cha October noh 14 khata aza pazao hra na ta, chatanachata kô 3 nata a khophie tlai Bachelor of Divinity (B.D) a vaw chu na ta, Abeipa baona nata Awnanopa nata chhôhkhazy thlahchhâkheina zawhzi ta zakô April thlapa liata vaw patlô thei hra na ta, July thla chhâna lâta eima Result zy vaw puapa ta hlaotlohna ei hmopa vata ei ly ngaita kaw. Hnabeiseih kawpa ta ECM ta Pro-Pastor ama la awpa he vaw ha tyh na ta, châhrasala interview daihti vaw tlô ta, ei hnabeiseihpa saduthliena cha a hlaotloh thei khao vei! Pathôh la awpa liata pacharu ta hiah pi ta, kei cha lapa hry liata a hlao khao va na!

Ei khitlyna - chiatlao chiavoh nata chhutla chakhâ

Salyu hleiri chichih ngaitapa

Abeipa chakaona rai he keimo ngiaryhna zie ta hria thai awpa châ leipa ta, hoh daihti tlyma, hoh leina daihti liata tlyma, rei thai awpa châ hra vei. Keima khozie ta châ sala, "Abeipa, Lopu Bia lia châ leipa ta su hro lâzy châ thei sala, âryh na tah khiahta la.." ei tah thlâh ha nahta ei pangiasa. Châhrasala, keima khozie châ leipa ta, ngiaryhna dâh châ hra leipa ta maniah tuahtuhpa khozie a châ hapa vâta keimo ta rei thei awpa sâkha hmâh hnei ma pi. Maniah tuahtuhpa khopa taopa cha eima pati pahâh chaipa a châ awpa tlao châ tlôh ta. Kheihhawhpa rai rai châ sala, kheihhawhpa su liata rai châ sala, "Amen" eima tah awpa a byuh.

Chakaona Thiehpa : Lôpu Pastor Bia liata

Abeipa ngiachhiena nata Awnanopa nôpawzy deichhyna zawhzi ta Probationary Pastor ta kô 3 tlai ei ECM Assembly ry liata ei vaw chakao tawhta atakô ECM Assembly liata (Dt. 5th March 2017) khata Pastor pitlohpa ta Rev. Thylua Hlychho, Moderator ta eina chahnao haw  ! Abeipa moh cha reithaipa ta y mawh sy ! Atakô Assembly liana heta ei viasazy - Rev. HT. Beingachhi nata Rev. C. Josia zy chhao chahnaopa ama châ hra.

Ordination (L-R) : HT. Beingachhi, C. Josia, A. Zawngia

Article: Vaw Pahno ha mawh sala..

                                                                          By A.Zawngia

Atahmâ cha dyhchâ khôphei kiahpa ta saw chhao pano (2) tlai vaw hnei haw hra na ta. Hnohla daihtizy pachâ pakhua ta a palôh a paliesa nawpa daihti nata a chhâpa rai a ypa ta pahno khao va na. Cha hlâta la sawnawhzy pachâpa hleikhô ta hmo hropa pachâ viapa hnei leipa na ta, ei lyna chaipa nata nâ palysatuh chaipa chhao khâpa hropa rai châ vei - ei sawzy hleikhô. Mohropazy kheihta ma ama hmô dah a châ, tahpa liata bua leipa na ta, keima mokhaoh ta liata cha, 'mongyuhpa saw' hlâta chhithai tah via ei na ta, he khizaw varâh-teih liata atlupa rai y veih ei.

Harhna by Lalhmangaihpari

(He sermon hi kan Nu Sermon, Dt. 14th April 2013 Pathianni zan inkhawm, New Saiha ECM Biakina puanchhuah kha a ni e. By Editor)

A hmasain, Zanin hun tha tak min petu kan Pathian chungah leh Kohhran hote chungah lawmthu ka sawi a. Hei kan hriat theuh angin kan Kohhranah Camping chhawng thum, naupang Camp nen, chhawng li lai mai kan nei zo hlim a ni a. Pathian khawngaihna avangin mi tam tak ten Pathianah harhna an chang a, Kohhrante kan hlimin kan lawm em em a ni. Hetiang thil ropui tak min tih saktu Kan Pathian hming chu fakin awm rawh se Amen!

Sermon: Tlahna nata Patlahtuhpa cha Khazohpa a cha (Jehovah Rophi)

(He sermon he Dt. 17th March 2013 Pahanoh my, Siaha Civil Hospital liata chakaona chata patoh patiapa a cha)

By A. Zawngia

Tlahna nata Patlahna - Biehrai Parohpa liata

Eima Biehrai pakhata ta eima moh khiata cha Tlahna tlyma, Patlahna tlyma chakaona he Biehrai Parohpa nata Biehrai Thiehpa liata eima hmo raih-rie. Puasaina 15: 26 eima moh khiata cha, Patlahtuhpa cha Khazohpa a chanazie a sia kawpa ta eima hmo. He Biehrai tawhna heta Abeipa chata ano apalysa leituhpa, ano khopa a tao leipa nata a biepiepazy a zyh khoh leipa cho liata hriena (tlahleina) a patlosa tyh, tahpa eima hmo. Izi seichana liata Izarei sawzy ama y daihti liata Abeipa ta Izarei sawzy cha papua awpa ta Phirao hnohta bie pie ta, chahrasala Phirao ta zyh khoh vei. Chavata hriena hluhpi Izi sawzy cho liata a patlosa tlai. He vata Izarei sawzy hnohta chhao Abeipa biepiepazy cha ama zyh khiata la, hriena ama cho liata patlosa lepa aw ta, ama tlahleinazy cha tlao a patlah aw, tahpa ta a reih. 

Shillong Mara Church a patlaw. Shillong United Mara Church paduapa ta a no-eih ta pakhyna hneipa a cha haw

Shillong Mara Church liata Mara saw zydua hmaohkha ta apakhy tyhpa cha, atahma ama pachhaih haw. Thatih daona ta a reina liata atahma he Abeipanoh ei no, a no-eih ta ama pakhyna a cha hapa ta bie daopa a cha.

Shillong Awnanopa tawhta Palyupalihna sahchaipa ei dao haw hra

        Thla palih tlai Shillong khihpi nata Awnanopazy vaw puasai haw na ta, chahrasala zakhahnia pachyhno khata achuna vata ko palih chhoh ei vaw laihna rah cha vaw tlo thei heihpa vata  Abeipa hnohta alyna bie ei reih hmeihseih. Ei lohkhy viasa parohpazy hmia aly kawpa ta nata va ngaita kawpa ta a vaw hmo pi ta, eima vanazy a vaw pasa ngaita kaw. Bie lohhawhpazy reih pi ta, vana bie chha thei leipa ta; a pathlie thei'pa vaw cha vei.

Mawrah liata Reithaina Hla thiehpa Upa C. Ropianga hlazy

Atahma nota Mawrah liata Abeipa Reithaina hlathiehpa a laluah viapa liata Upa C. Ropianga ta hla a phipazy he zawpizy paloh a pahnie kaw. Music Demand Channel liata atlyh hluh chaipazy a cha. Youtube liata chhao hla sathoh (3) upload hapa a cha. He hla a sahtuhpazy he Ls. Baby, Ls. Mafaki nata St. Larry zy cha ei ta. Hla nahthlie thei awpazy cha 1. Chatuan khawpui, 2. Jeremia a au a sin, 3. Chawlh lova fak che ka duh, tahpazy a cha. He ary liata youtube link sopazy liata nahthlie theipa a cha.

1. Chatuan khawpui

Mara Reih Cha Rozie by A.Zakia

Mara reih cha eima ro nota eima pahno awpa abyuhpa cha hezy he a cha: Hmo ataotuhpa  eima ro nota taotuhpa hmia liata ‘a’  sopa a cha tyh. Taotuhpa hmia liata ‘a’ cha ano dei ta soh leipa ta, ataotuhpa nahta pazao awpa a cha.

He hawhta:

Ti apachatuhpa

Lao araihtuhpa

Sa araihtuhpa

Krismas achhuahtuhpa

Thopi araihtuhpa

Viahchha araihtuhpa

Hawtizy apalysatuhpa

Aparupa ahmotuhpa

Hmosaipa apietuhpa

Moleipa atutuhpa

Chyhsa aleihtuhpa

Abeipa Baona nata Chhihthana vata B.D. Achuna ei patlo haw hra

Ei lyna dah he reih thei va na..!!! Abeipa phazie he alyna bie reih leipa ta y thei va na! A chhihthana zawhzi ta, ko 4 chhoh ta Bachelor of Divinity, John Roberts Theological Seminary, Shillong liata achuna cha ei vaw patlo thei haw hra. Ei ly hmeiseih. Abeipa hnohta ei ly hmeiseih! Zahnia Dt. 18^th. April 2012 khata Valedictory Service hmah pi ta, ei chhohkhazy ta he Valedictory Service liata na vaw hlaokhei thei hra vei ei sala, Abeipa ryhraotuhpa chata he liata chhohkha nata viasa phapazy na pie ta, Rev. Dr. Laiu Fachhai nata Pihno Debbie Fachhai, Mc Henry Vabeibyhnasa Chhachhai nata Chktp. N.C. Alicia zy tan a kaw hmakhei ei ta, ei lyna aki hmeiseih. He Valedictory liana heta achupa 42 hnohta Graduation Certificate hlapa a cha.

SMC liata "Macha" chana daihti hnohchaipa a vaw cha haw by A.Zawngia

SMCApakhyna su (KJP English Achhyna-o

Atamy Shillong Mara Church Pahanoh pakhyna daihti soh kawpa cha Awnanopa nopawzy ta sai na vaw hei ei ta, keima ei na pie ei. He atamy apakhyna he keima chata cha Shillong Mara Church liata "Macha" ei chana daihti hnohchaipa a vaw cha haw. Chavata daihti chhao a eihhrah kawpa ta na khokhei ei ta, ama hnohta alyna hmeiseih na ta, ei paloh chhao a vaw lie ngasa.

Mizoram Chief Minister ta Siaha la kaw tlyh

Mizoram Chief Minister Puhpa Lal Thanhawla cha zahnia khata Siaha tlo ta, atamy Siaha Bazar Traffic Point liata Public Meeting hneina liata biereina a hnei. CM ta, "Zoram chyhsa sai cha pi ta, sawkha liata tovyuh alyu khaipa eima hnei," a tah. 

Mawrah Sawkha ta MDC Bia 3 Papohna Apyh haw

MADC ry liata MDC Bia (Constituency) 3 papoh awpa ta Delimitation Committee ta Proposal ama taopa cha Mawrah sawkha ta apyh haw. He he thatih he atanoh Vanglaini puapa liata palasapa cha ta, palasana liata rodah liata cha Laki Bia, Siaha North - II nata Laty Bia tahpa ta ropa a cha.

Samaw by Dr. S.Hrachu

Dr. S. Hrachu (via Maraland.net)

      Samaw he Krizyhpa heta hma lyma awpa pha eima tah ma?

       

Zohna ,Sata biehneina ry liata miah pathlahtuhpazy ama charei daihti no khata ama Khazohpa chata ama chhypa cha ama pahrana khih chyu liata tlah lai chaipa nata asah chaipa liata apahrapa KHASOH a cha.Ko to ta akhihpi ta Vao ta tlyma Seih ta tlyma ta cha tlah cha ama naoh tyh.Seih ta ama naoh theipa khiacha ko 3 chhoh chata angiapa theipa a cha.

Mararah chata ei taothei chhohpa "Thesis" ei patlo haw hra

Taodah tyhpa hawhta B.D. (Bachelor of Divinity) Course liata Thesis he Subject 2 vyuhpa ta Final Year ko liata ro tyhpa cha ta. Kei chhao ta pacha na ta, he daihti ryhpaohpa hmapa ta Mararah chata Thesis sakha roh hra awpa ta a vaw patohpatia na ta, cha cha Abeipa chhihthana nata, Awnanopa nata viasazy thlahchhakheina zawhzi ta ei patlo thei haw hra. A biepipa (Topic) cha "The Impacts of the British Colonialism in Socio-economic, Political, Cultural and Religious Life on the Mara Community of Mizoram" tahpa a cha.

MDC Bia 3 Baichhipa a cha (Biehnohchaipa)

MADC ry liata MDC Constituency sa 3 baichhi awpa cha Delimitation Committee zy ama tyuh tawhta atahma cha pasiapa cha ha ta, Bia thiehpa papohpa a chapa vata Bia thokha cha paryhpathipa a cha hra. Atahma biehnohchaipa biedaona liata cha he hawhna heta a cha:

1. Vahia Bia (Biathiehpa): Vahia, Miepu nata Lopu (Laki khih a hlaoleipa ta Bia thiehpa)

2. Laki Bia (Biaparohpa): Laki, Khopai nata Ahmypi (Aparohpa liata cha Laki Vahia nata Lopu. Khopai nata Ahmyhpi he Zyhno Bia liata a ytyhpa a cha)

3. Pala Bia (Biathiehpa): Pala, Maisa, Lohry nata Lodawhtlah (Pala he Tokalo liata abaityhpa cha ta, Biathiehpa ta ama tao)

4. College Vaih -II (Biathiehpa): College Vaih AOC tawhta nochhi la, Education Vaih nata New Siaha achyhta a kaw chakapa ta)

5. College Vaih -I(Biaparohpa): College Vaih AOC tawhta N.Colony Baih la zydua nata N.Colony a rakhapa, Chhochhopaw vaw a kaw o.

Siaha Meikapa Baona chata Shillong Awnanopa ta Thyuna pakhy

Atamy Shillong Mara Church Apakhyna cha, Siaha liata chhiena tlopa, Bajar Vaih mei ta ka hapazy taokheina daihti hmapa cha ta, he daihti he Mc. K. Beizalaihmo ta a chhihtha. Siaha liata hmo tlopa Report chyupa nahthliepa a cha tawhta Abeipa reithaina hlasapa cha ta, cha daihti liata Thyuna lapakhypa cha vaduana atyhpa, o nata lyu apahlei hapazy chata baona chata a cha. He thyuna atlohpa he a zydua ta Rs. 8867.00 a cha. He thyuna he Abeipa hnohta Rev. Pheitha Lava ta a hla.

Anodeikuala, pakhybah tawhta KNP, KTP, MSO, nata Awnanopazy buakha Vesty Hall liata atyuhpakhy ei ta, Rs. 10,000/- patloh lalao awpa a pha ta ama pahnopa vata KNP ta Rs. 500/-, Awnanopa ta Rs. 400/-, Mc. Manase Chozah, Mc. A. Beimohlu Rs. 100/-, Mc. Beizalaihmo Rs. 33/- ta ama pabie.

Siaha khihpi a raotuhpa a phuah haw. Puhpa Vanlaltlina a cha

Siaha khihpi mei ta a raotuhpa cha patu hapa cha ta, ano raopa tlai a cha, tahpa ta Puhpa Vanlaltlina ta a phuah haw. Eima vaw palasa hapa hawhta he o paka awpa ta pangiasapa cha  MTP zy ta ama patu tawhta a phuah haw. (he he Maraland.net liata a video chhao mo thei awpa a y). Ano he Saikhamakawn, Aizawl tawhta akhypa cha ta, otlo ma a pie thei leipa vata o hneituhpazy ta vaw papua tyh ei ta, cha hawhta ama papua tyhpa cha ta, o he ei rao thlahha aw na, tahpa ta vaw vyu tyh ta, zahnia za cha a rao hra tlai, tahpa ta a reih. A raona a reina dah liata deikua sathaw mei-o (mawmbati) pakhaih ta, na khodah hawhta vaw y teh, tahpa ta o a puasaipa hawhta a reih.

Siaha Bajar opakatuhpa:Vanlaltlina

Siaha Bazar Meipaohpa lata alie: Tlaikaopaw ta raopa hawhta ama reih

Mararah liata chhiena raroh y ngaitapa zahniaza khata khata tlo ta, cha cha Siaha khihpi sohdaohnazy yna rah chaby liata y 30 rachhoh cha mei ta ka khai ta, meipaohpa lata alie khai haw. He he mei ta chhiena tlopa hry liata cha Mararah liata a raroh y chaipa a cha thei awpa hawhta pangiasapa a cha. He meikapa he zala dawh 10 rachhoh tawhta vaw puapa hawhta reipa cha ta, meihlih a vaw puana dah, okapa a vaw thaona dah he reidah nano nanopa a ypa vata biedo chaipa deikua pahnopa cha thei mah vei. Thokhazy ta Tlaikaopa pakha tawhta a vaw thaopa hawhta ama reih.

Siaha meikapa (photo Courtesy: Maraland Rose via Facebook)