Mawrah liata Moleina a poh nota Apathaihpa ta ahneipa poh via hra

             Mawrah he India rah liata cha ‘Krizyhpa rah’ tahpa ta pahnopa cha ta, hmotao papuana nata state khola ta paphaopa hnei hra vei hra sala, Missionary hluhpi tuah papuatuhpa ama cha. Chahrasala, Mawrah State heta phana lata nata chhiena lata India rah liata a laluahna hnei raihrie ta, Sex lata a sah patlua ta, Sex vata HIV+ poh chatliena State a cha. Ko kha chhohta thohna paritheipa Heroin nata Proxivon a zuahpa ama hluh chaina su nata apahru lata azuahpazy ama patu hluh chaina a cha hra. Maluh chyhpa pachapa ta chaozuahpa ama hluh chaina rah cha ta, zako ko pachhuahpa liata Synod Social Front ta ama chuna liata Pre-marital Sex Rate chhao 43% a tlohpa a cha. He hleikho ta apahru lata a chano-heih nata a chapaw-heih lahpi-vahpa chata a hneipa (Same Sex Marriage) ama hluhna su a cha hra.

                He hawhta a cha nota atamy The Zoram Times online thatihbu liata palasapa liata Mawrah cha dyhcha pathaihpa ta a hneipa ama poh via tahpa palasapa a cha. Anodeikuala he he Awnanopa zydua pahlypa cha leipa ta, Awnanopa sakha Presbyterian Church of Mizoram, CKTP zy duasu Report a cha. He report liata alana dah liata zako 2009-2010 khata 38.5% cha Apathaihpa ta Achhyna-o liata a hnei ei ta, atako 2010 – 2011 liata cha 40.57% ama cha. Ama pohna he 2.07% hawhta ama cha.

                Amo KTP Report liata palasana liata thyutlia hry liata 29% ta KTP pakhyna (amo he Hriatuanoh za liata ama pakhy tyh) apakhy tyhpa cha ei ta, zako 2010 liata KTP member tawhta 20 ta Pro-Pastor rai liata a ngia ei ta, member 118 zy cha Synod Mission Board ry liata Missionary rai hria awpa ta tuah papuapazy ama cha.

                KTP maluh zydua he 124752 cha ei ta, chano member 46015 nata 78737 y ei ta, zako hlata ama poh viana cha 3337 a cha. Zako liata soh ama hmopa zydua cha Rs. 15,26,468.00 cha ta, ko parohpa liata  alaipa Rs. 16,84,908.00 chhao ta pahlyhpa ta atahma he Rs. 24,66,312.00 ama hnei tahpa palasapa a cha hra.

Source:The Zozam Times