Pahneih tua ei sihla,,, Hehe……….e............heeheeee.........

Bhaia, Kiatna….?

                Satlia pakha, soh riakhieh kawpa he Shillong liata College kiah hra ta. Laihsa pakha hmisia tah kawpa he hnei ta, chahrasala va pakyh awpa ta ngah thai leipa ta. Ei kha cha a viasapaw hnohta laihsa a khona bie kei chho ta.

“Kheihta ma ei pakyh thei aw? Lathloh na pachakhei tua?” tahpa ta a kei saohiah ta.

 A viasapaw ta, “Unawh, cha hawhta a cha khiala, lathloh ei cha tluakhei aw. A pha chaipa cha thopi dokhei awpa ta hrua pi ta, chatanachata apakyhna daihti eima tlua aw. Phusa na ryhpaoh ma?” tah ta.

Satliapaw chata, “Pei hlei vei, ei khoh tawhta la na reipa hawhta cha se” tahpa ta reih ei ta.           Laihsa thopi dokhei awpa hrua ha tlai ei ta.

                Restaurant sakha liata a paha ei ta, nie awpazy cha a viasapaw chata haw ta. Ama ru kawpa ama nie lei tarawpa ta, Restaurant ma rupa a chapa ta ama pathoh ama niena cha pachapa hlata a sah via ta. Ama niekhai tawhta Satliapaw cha Counter la vaw ta, Bill pie awpa a chhuah ta,

                Hindi reih ta “Bhaia kiatna? (Unawh khazie maw)” tahpa ta kei hiahhri ta.

                Manager ta hindi lata, “Dhoi so sullo, sir” vaw tah ta.

                He  Satliapaw he Hindi thai kaw leipa vata pahno khao leipa ta.

                Hiahhri chanei heih ta, “Dhoi so sullo, teka, sir”(Bengali paw cha thlyu ei ta) tahpa pyly ta a vaw   chhy heih ta, pahno pyly leipa ta.

                A viasapaw kei hiahhri ta, a viasapaw ta tlaw zano nata tlawhhrawhhleicharu (Rs. 216) tahpa vaw chho ta. A pachapa hlata Bill a pie awpa cha asah via ta, zo-ah kaw leipa vata,

                “Bhaia Kitna?” kei tah heih ei.

                Manager chhao a vaw ai pa kaw, a phathipa ta chhao palie hoh khao vei. Cha nata, ama kiapah liata aduah thlahpa ama laihsa hruapa cha ta vaw pahno ta,

                Laihsa chata, “Kei vaw pie sa. Ei hnei thlah ha. A dipa hlei leipa na ta, tlao vaw padi pa tua sa..”    tahpa ta Rs. 500 note he purse tawhta vaw thaoh ta, manager hnohta pie haw ta.

                Satliapaw cha phusa cha hnei thlahha taraw ta, a i hapa vata pie awpa a chhuah khao leipa ta.

                Chahrasala a viasapaw ta, “Pie bao, pie bao, na noza vei ma?” kei tah ta.

                Satliapaw chata, “Aw………..” tah ta, dusawta ta a Wallet cha thaoh heih ta.

                Laihsa chata, “Byuh vei, ei pie ha” ao nai kawpa ta kei tah ta.

                Satliapaw ta, “Yh, chaw khiala… “ tahpa ta Wallet cha kho ha heih ta.

                A viasapaw noza tu hapa cha ta, “Pie chah chi maw, keimo ta eima hruapa a cha khawh.. kei pie    teh…” tah ta.

                Satliapaw chata, “Aw…” tahpa ta dusaw ta a phusa cha thaoh heih awpa a vaw chhuah ta.             Chahrasala, Manager ta Laihsa phusa cha tlao a hlah ha ta.

                He khai tawhta hmo tlopa cha, he Satliapaw ta laihsa thatih a reipa chhao a viasapaw ta nahthlie khoh khao vei. Charei awpa a hruapa khao zi khoh khao hra leipa ta, ama pathoh apohkhana (Trinity Relationship) cha he Restaurant tawhta a chha haw, ama tah. Hehe…………..