Maraland Post: St. Beimongia Taokheina

Wednesday, March 16, 2011

St. Beimongia Taokheina

Atamy mydi eima Biatuhpa Pastor nata viasazy tawhta Message vaw tlo ta, St. N. Beimongia (Pawhrua), s/o N. Zama (N. Valy, tahpa chhao reipa a cha hra), Chhaolo, cha zacho dawh 12:30 liata Chah-aochalihpa ta a daihti lei kawpa ta maniah a vaw pahasai haw tahpa biedao na ta. Pei eima tah ngasa.

Ano he St. Edmust College liata 1 yr B. Sc.(Maths) achu ngahaipa cha ta, Awnanopa nata MSO liata eima hrialahpa, he hawhta maniah a vaw pahasai thlahhapa he pei eima tah hmeihseih.

Sapa nata Thlapa liata hrialahpa chana la tawhta a ri sie awpa za pathlie awpa khoh kaw taraw na ta, chahrasala eima yna a vaw hla pa kawpa vata nata Exam chy vaw cha ta, class peimawhpa eima hnei daihti a chapa vata keima chata pua awpa a vaw ryh thai leipa ta. News chhao vaw update hma leipa pi ta, pei ei tah hmeiseih. Chanota Maraland.net ta thlai vaw update hma ei ta, ama taopha ngasa.

Atanoh dawh 11:30 AM khata Mararah la ngaipa ta Shillong ama puasai.

Abeipa ta a chhohkha nata Viasa a siesai hapazy taokhei hmeiseih pi ta, ama hnohta thlalohna pie awpa nata ypazy hnapanga awpa ta thlahchhakhei ei suh vy.

No comments:

Subscribe to: Post Comments (Atom)

KeimaThatih Chyupa

Khopai liata pihpa, Siaha liata Khihsapa, atahma Shillong liata B.D. Final Year John Roberts Theological Seminary, liata achu ngahaipa ei cha.

Mara Literature hmahsiena awpa he ei pacha chaipa cha ta. "Hraihsua" monthly Magazine cha September 2001 liata vaw papua tua na ta, 2002 - 2004 khata "Zawpi" Marareih Daily Newspaper ei vaw tao haw hra. Atahma he Mara Literature hmahsiena chata Blog 3 - Maraland Post, Shillong Mara Church nata (keima chhohkha Blog) A Zawngia and Family Blog ei mohoh nga hai.

Chakaona liata Tripuara Mission Field liata 2005 - 2008 taihta Missionary rai (Principal, Immanuel English School) vaw hria na ta.

Shillong liata ei y chhohta keima chata chakaona daihti ngiatlah chapazy cha:

1. Shillong Mara Church liata Ko 2010 October thla tawhta "Chakaotuhpa" chakaona rai hria pathao na ta, 2011 January tawhta "Macha" ta chahnaopa ei cha hra.

2. Ko 2011 January liata Building Board Commttee paduapa cha ta, cha liata Chairman ta deichhy ei ta. Anodeikuala, he he Term kha vaw siekhei pi ta, 2012 liata chhihthatuhpa athieh- pazy ta he Committee he ama phie haw.

3. KNP liata Ko 2010 - 2012 taihta Advisor chakaona liata na deichhy ei ta, ei thohkhei ngasa.

4. MSO liata Ko 2009 -2012 taihta Sub-Hqrs, Shillong liata dyutlai lei kawna chota Adsiver liata na soh hra ei ta, ei na thohkhei ngasa.

5. Eima Seminary liata chhao Marapa keima deita ta y hr'aw hra sala, viasazy khokheina to na ta, ko 2011-2012 liata Students Christian Movement of India, JRTS Unit liata Finance Secretary chakaona chhao ei vaw hria haw hra.

By A.Zawngia, Editor

Editor Hmahlana Tlahpipa

Achuna liata nohchareih Assigment hleikho ta Sermon awpa apatohpatia awpa byuh ta. Cha hleikho ta ei paloh liata bie vaw ypa nata Mararah thatihzy papua hra awpa khoh na ta, ei daih lei kaw tyh. Atahma hlata ei raihriapazy cha:

1. B.D. Thesis Topic - The impacts of British Colonialism on Mara Community in Socio, Economics, Politics, Cultural and Religious Life, tahpa a cha. He he January liata patlo ta, aryhpaoh khiacha chabu ta papua cheingei awpa ei chhuah.

2. Marareih Advanced Grammar - Patohpatia taraw na ta, chahrasala daihti ei hnei thei leipa vata ei chalihsai chy. Daihti ryhpaoh tuachaipa liata pazao awpa a cha.

3. Tunge Hriati Pa? - He he rohpathao na ta, chahrasala achuna vata paloh pie thei tu khao hra va na. Mawreih lata ropa, Novel a cha.

4. Abeipa nata Mararah chata - He he Marareih ta papua awpa a cha. Keima ta Abeipa chakaona rai ei ngia pathaona tawhta atanoh taihta ei chakaonazy, Missionary rai ei hria daihti thatih nata, Sermon lapakhypazy a cha aw.

He Maraland Post atlytuhpa, apasopa zydua hnohta nama thlahchha-kheina ei cha haw ei.